U biełaruskich škołach uviaduć novy padručnik pa historyi. Ale «pierapisvańnia nie budzie»
Pra namier uviadzieńnia ŭ biełaruskich škołach novaha padručnika pa historyi ŭ intervju vydańniu «SB. Biełaruś siehodnia» paviedamiŭ ministr adukacyi Andrej Ivaniec.
Adkazvajučy na pytańnie, ci matyvavali ŭłady padziei 2020‑ha hoda «surjozna ŭziacca za patryjatyčnaje vychavańnie», Ivaniec adznačyŭ:
«Pravodzim sistemnuju pracu: zaniatki ŭ škole, vajskova-patryjatyčnyja kłuby, łahiery, adradžajem hulni «Zarnica», «Zarnička». Kala 180 tysiač školnikaŭ biaspłatna naviedali muziei Biełarusi — u nas jość pahadnieńnie ź Ministerstvam kultury.
Ale płanujem pajści dalej: arhanizujem tematyčnyja ŭroki na ich bazie. U hetym hodzie ŭ kožnaj škole źjavilisia svaje muziei.
Raspracavanaja kancepcyja školnaj histaryčnaj adukacyi. Usio dla čaho? Kab dzieci vučylisia analizavać i krytyčna dumać. Z 1 vieraśnia ŭ 10‑m kłasie ŭvodzim novy intehravany kurs «Historyja Biełarusi ŭ kantekście suśvietnaj historyi».
Makiet navučalnaha dapamožnika hatovy, prachodzić ekśpierymientalnuju aprabacyju ŭ 14 ustanovach adukacyi krainy. Abiacajem: vy ŭbačycie padručnik novaha pakaleńnia, jaki dakładna budzie pryjemna ŭziać u ruki. Paralelna raspracoŭvajecca dapamožnik dla 11-ha kłasa», — skazaŭ čynoŭnik.
Na zaŭvahu, što Alaksandr Łukašenka nie raz papiaredžvaŭ ab niedapuščalnaści pastajanna pierakrojvać navučalnyja płany i biaskonca vydavać novyja padručniki, Ivaniec adkazaŭ:
«My nie fakty budziem źmianiać, jak užo zajaŭlajuć našy niadobrazyčliŭcy. Voźmiem, naprykład, padručnik pa historyi. Paźbiahajem manatonnaha zavučvańnia dat i miescaŭ padziej, robim upor na farmavańnie śvietapohladnaj karciny školnika.
Što tyčycca inšych pradmietaŭ, u kožnaj knizie budzie źmiaščacca vychavaŭčy patencyjał — teksty, zadańni buduć nakiravanyja na farmiravańnie lubovi da rodnaj krainy. Pierapisvańnia nie budzie, havorka pra ŭdaskanaleńnie».
Kamientary
Začiem čto-to mieniať i pieriepisyvať ?
S 1994 hoda prociess idiot v nužnom napravlenii, za jeho dvižienije i prodvižienije, russkije šovinisty i impiercy, priedostavili harantii nieprikosnoviennosti łukašienku i jeho siemiejstvu...