«Buduj svajo». Jak možna materyjalna padtrymać biełaruskija inicyjatyvy
6 lutaha startavaŭ novy siezon prajektu ličbavaha samakiravańnia «Novaj Biełarusi». Jon prezientujecca jak «unikalny prajekt, dzie biełarusy mohuć sami prafinansavać realizacyju svaich idej. Heta placoŭka, dzie sustrakajucca ludzi z prahaj zachavać svaju biełaruskaść, naradžajucca idei i źbirajucca hrošy, kab realizavać tyja ź ich, jakija abiaruć sami ŭdzielniki i ŭdzielnicy prajektu».
Letaś prajekt «Novaj Biełarusi» pa ličbavym samakiravańni byŭ piłotnym. Tady da jaho dałučyłasia jak minimum 265 udzielnikaŭ i ŭdzielnic, ale nasamreč ich było, viadoma, bolš, prosta daloka nie ŭsie paviedamili, što zapaŭniali ŭ Polščy i Litvie dekłaracyi ź pieraličeńniem častki padatkaŭ na patreby biełaruskich arhanizacyj i ŭstanoŭ. U vyniku sabrana kala 47 000 jeŭra, na jakija ŭ Litvie ŭžo zapuścili biblijateku biełaruskaj knihi, a ŭ Polščy stvarajuć sajt pa sapraŭdnaj historyi Biełarusi (padrabiaznaści pra heta abiacajuć dać užo chutka).
U novym siezonie prajekt zapuskajecca z adpaviednaj jaho kaštoŭnaściam nazvaj — «Buduj svajo». Arhanizatary zaklikajuć biełarusaŭ i biełarusak ź luboj krainy dałučycca i budavać svajo, sa svaimi i dla svaich.
Kali ŭ minułym hodzie ŭ prajekcie «Buduj svajo» mahli paŭdzielničać tolki biełarusy ź Litvy i Polščy, to sioleta dla hetaha jość mahčymaść u našych suajčyńnikaŭ ź luboj krainy. Dla hetaha zapuścili novy kirunak prajektu — Global. Dałučycca da jaho možna prosta ciapier, zrabiŭšy ŭniosak ad 35 jeŭra. Na sabranyja hrošy płanujecca stvaryć karysny digital-prajekt, aktualny dla biełarusaŭ luboj krainy, u tym liku Biełarusi.
Jak dałučycca
Dałučycca da «Buduj svajo» možna prosta ciapier dvuma sposabami, pieršy ź jakich nie vymahaje navat nijakich dadatkovych hrašovych vydatkaŭ — dastatkova tolki paprasić pieraličyć na biełaruskija patreby častku hrošaj, užo zapłačanych polskaj ci litoŭskaj dziaržavam u jakaści padatkaŭ:
1) Praz padatkovuju dekłaracyju: zafundavać 1,5% (u Polščy) ci 1,2% (u Litvie) svaich padatkaŭ na dabračynnaść u partniorskija ŭstanovy «Novaj Biełarusi» pry zapaŭnieńni dekłaracyi.
U hetym hodzie ŭ prajekta ty ž samyja partniory ŭ Polščy (fundacyi Tutaka i FaniMani) i novy ŭ Litvie (arhanizacyja ZUBR.IN).
2) Praz uniosak: pieraličyć ad 35 jeŭra.
Rekvizity partnioraŭ prajektu, hajdy, jak zapoŭnić dekłaracyju, tajmłajn prajektu, a taksama adkazy na papularnyja pytańni, kali łaska, šukajcie na sajcie.
Biełarusy zamiežža mohuć padtrymać biełaruskija inicyjatyvy, nie patraciŭšy svaich hrošaj. Jak heta zrabić
Stvaralnik biblijateki «Kamunikat»: Vialikaj papularnaściu karystajucca knihi z uspaminami, bijahrafičnyja knihi
«Miljon dla mianie nie kišennyja hrošy». Biznesmien Pavieł Padkarytaŭ raskazaŭ pra adabrany majontak Padarosk i svajo miecenactva
Ciapier čytajuć
«Pamiery pałochajuć». Jak vyhladaje znutry novaadkryty handlovy centr u «Minsk-Śviecie» FOTY1
Kamientary