Dźviuch žančyn ź Lidy aštrafavali za atrymańnie dapamohi ad INeedHelpBY. Dziaržava zabiraje sabie i sumu dapamohi
26 studzienia sud Lidskaha rajona aštrafavaŭ dvuch lidčanak za dapamohu, atrymanuju imi ad inicyjatyvy INeedHelpBY. Žančyn sudzili pavodle artykuła ab parušeńni zakanadaŭstva ab zamiežnaj dapamozie (Častka 2 artykuła 24.15 KaAP). Adpaviednyja pastanovy źjavilisia ŭ banku sudovych rašeńniaŭ, zaŭvažyła «Miedyjazona».
U pieršym vypadku žančynu abvinavacili ŭ tym, što jana atrymała zamiežnuju dapamohu «ŭ vyhladzie tavarna-materyjalnych kaštoŭnaściaŭ» na ahulnuju sumu 5 241 rubiel u internet-kramie «Jeŭraopt». Jaje aštrafavali na 25 bazavych vieličyń (1000 rubloŭ) i pastanavili dadatkova spahnać va ŭłasnaść dziaržavy ŭsiu sumu akazanaj dapamohi.
U druhim vypadku biełarusku taksama aštrafavali na 25 bazavych vieličyń. Jana atrymała dapamohu «ŭ vyhladzie tavarna-materyjalnych kaštoŭnaściaŭ» na ahulnuju sumu 18 143 rubli. Jaje sud taksama pastanaviŭ spahnać na karyść dziaržavy.
23-24 studzienia ŭ Biełarusi prajšła abłava siłavikoŭ na svajakoŭ palitviaźniaŭ. Represii zakranuli jak minimum 229 čałaviek. Ź ich 24 čałavieki prachodziać abvinavačanymi pa kryminalnych artykułach ab sadziejničańni ekstremisckaj dziejnaści (artykuł 361-4 KK), finansavańni ekstremisckaj dziejnaści (artykuł 361-2 KK) i stvareńni ekstremisckaha farmiravańnia (artykuł 361-1 KK).
Jak minimum 44 čałavieki asudzili pavodle administracyjnych artykułaŭ.
U studzieni pa kryminalnych palityčnych spravach sudzili minimum 120 čałaviek
Byłomu palitviaźniu Alaksieju Ramanavu, jaki adbyŭ 15 sutak, sud daŭ čarhovyja
Jak minimum 224 čałavieki trapili pad pieraśled padčas masavaha chapunu svajakoŭ palitviaźniaŭ
Maryna Adamovič vyjšła na volu paśla 15 sutak aryštu
Kamientary