Rasijskaha ŭdzielnika vajny va Ukrainie abakrali na $4400, pakul lažaŭ u kalidory špitala paśla amputacyi
3 studzienia Amona S. dastavili ŭ špital imia Burdenki ŭ Maskvie paśla ciažkaha ranieńnia na vajnie.
Mužčynu zrabili amputacyju kaniečnaściej i paśla apieracyi pakłali ŭ kalidor na łožak, piša Baza.
Pieražyvajučy, uviečary Amon pravieryŭ svaje finansy — u jaho byli 50 tysiač rasijskich rubloŭ najaŭnymi (550 dalaraŭ) i bankaŭskaja karta. Pierad snom mužčyna schavaŭ źbieražeńni ŭ karobku z-pad telefona: akramia hrošaj i karty tam lažaŭ kanviert ź pin-kodam. Karobku Amon pakłaŭ u sumku, a jaje pastaviŭ pad łožak. Vypiŭšy porcyju snatvornaha, mužčyna zasnuŭ.
Na nastupnuju ranicu Amonu pryjšła niepryjemnaja esemeska ab źniaćci z karty 350 tysiač rubloŭ (3850 dalaraŭ). Pacyjent adkryŭ sumku, ale karobki z samym kaštoŭnym tam užo nie było. Tak Amon straciŭ 400 tysiač rasijskich rubloŭ (4400 dalaraŭ). Telefon vajskoŭca złodzieja nie zacikaviŭ.
Kamientary