BCHD pryznała Sieviarynca adzinym lidaram partyi, a Rymašeŭskaha, Kavalkovu i Sadoŭskaha vyklučyli
10 lutaha ŭ Varšavie ŭ Muziei Volnaj Biełarusi adbyŭsia zjezd partyi «Biełaruskaja chryścijanskaja demakratyja».
Na zjeździe BCHD pryniali rašeńnie ab vyklučeńni z partyi byłych sustaršyniaŭ Vitala Rymašeŭskaha, Volhu Kavalkovu, Dzianisa Sadoŭskaha, a taksama byłoha kiraŭnika Mahiloŭskaj abłasnoj arhanizacyi BCHD Aleha Aksionava. Heta XVIII zjezd partyi i pieršy ŭ zamiežžy, piša Radyjo Svaboda.
Źjezd adkryŭ kiraŭnik biełastockaj supołki Partyi BCHD Siarhiej Vieramiejenka. Na źjeździe prysutničali pradstaŭniki inšych partyj, hramadskich arhanizacyj i hanarovyja hości, jakija vystupili pierad udzielnikami zjezda.
Heta siabra refarmackaj partyi SGP Eviert Bosma ź Niderłandaŭ, pradstaŭnik Biełaruskaha narodnaha frontu Vital Makaranka, lidar sacyjał-demakratyčnaj partyi «Narodnaja Hramada» Jaŭhien Vilski i inšyja.
Z prahramnymi pramovami vystupili kiraŭnik varšaŭskaj supołki BCHD Jaŭhien Dudkin i sustaršynia Partyi BCHD Hieorhi Dźmitruk.
Na zjeździe byli pryniatyja rašeńni:
- ab pryznańni Paŭła Sieviarynca adzinym lidaram Partyi BCHD;
- ab zachavańni sustaršynstva ŭ Partyi; sustaršyniami zastajucca Pavał Sieviaryniec i Hieorhi Dźmitruk;
- ab vyklučeńni z partyi BCHD byłych sustaršyniaŭ Vitala Rymašeŭskaha i Volhi Kavalkovaj, byłoha adkaznaha sakratara Dzianisa Sadoŭskaha, a taksama byłoha kiraŭnika Mahiloŭskaj abłasnoj arhanizacyi BCHD Aleha Aksionava;
- ab padtrymcy jeŭraintehracyi Biełarusi ŭ Jeŭrapiejski Sajuz i NATO;
- ab pryznańni Biełarusi časova akupavanaj terytoryjaj z boku Rasiejskaj Fiederacyi.
- ab vyłučeńni śpisu kandydataŭ na na vybary ŭ Kaardynacyjnuju radu.
Na źjeździe vybrali Upravu partyi i pryniali rašeńnie ab farmacie.
Kamientary