Łukašenka raskrytykavaŭ VNU za vykładańnie niepatrebna składanaj matematyki
Na naradzie z rektarami Łukašenka, aprača krytyki Kolevaha padručnika pa fiłasofii, kranuŭsia taksama nibyta zanadta składanaj navučalnaj prahramy ŭ adnoj sa svaich alma-mater — Biełaruskaj sielskahaspadarčaj akademii ŭ Horkach. Pavodle jaho słoŭ, i jamu samomu jana ŭ svoj čas nie nadta davałasia, a ciapierašnim zahadčykam fiermaŭ i zusim nie ŭ kania korm.
Padčas dakładu rektara BSHA Łukašenka pierabiŭ jaho i zahłybiŭsia ŭ praciahłyja razvažańni z aŭtabijahrafičnymi elemientami ŭ asnovie:
«Vam havoryć čałaviek, jaki jak druhuju adukacyju skončyŭ vašu akademiju… Ja ŭśviadomlena pajšoŭ na ekanamičny fakultet. Tamu što ja viedaŭ, što ŭ sielskaj haspadarcy mnie patrebna budzie ekanomika. Usio astatniaje — raślinavodstva, žyviołahadoŭla i inšaje, — ja tam asvoju na praktycy, dy ja viaskovy, ja viedaju, jak daić karovu, karmić, i inšaje.
Ale kali ja patrapiŭ na ekanamičny fakultet, ja tam ledź z hłuzdu nie źjechaŭ. Praź niejki čas, budučy historykam, mnie padsunuli matematyku. Statystyka na takim uzroŭni, ja prezident ciapier, uspaminaju toje i dumaju — navošta mnie heta było? Ja heta ŭsio adsiejvaŭ, viadoma… Ja viedaŭ, što mnie treba.
Ja tamu zadaju pytańni i vykazvaju patrabavańni da vašych prahram. Baču zahadčycu fiermy. Jakaja z technikuma tam i hetak dalej… Papracavała kryšku paśla kaledža.
Vydatny śpiecyjalist! Ale da vas jana nie pojdzie, jana baicca vašaj prahramy. Jana baicca vučycca tam, u hetaj akademii. Navošta my takim ludziam, dobrym śpiecyjalistam u žyviołahadoŭli, zaprasta pracuje za zaatechnika, navošta my padsoŭvajem takim ludziam u zaatechnii takuju prahramu, što jany z hłuzdu źjazdžajuć?»
Rektar Horackaj akademii pasprabavaŭ zapeŭnić, što prahramy ŭžo spraščajucca, ale Łukašenka jaho pierabiŭ:
«Nie, spraščacca nie treba. Treba im prapanavać toje, što im treba».
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m2
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
https://dck8xvlq18iei.cloudfront.net/336177
We don't need no education
We don't need no thought control
No dark sarcasm in the classroom
Teacher, leave them kids alone