Mastak Alaksiej Kuźmič znoŭ viarnuŭsia ŭ Biełaruś i znoŭ vyśliznuŭ ad siłavikoŭ
U mastaka pamierła babula, i jon pajechaŭ na raźvitańnie. Pra svaje pryhody Alaksiej Kuźmič raspavioŭ u fejsbuku.
«Ja znoŭ viarnuŭsia ŭ Biełaruś. Na hety raz nie dla mastactva, a pa padziejach sumnych. Pierad Novym hodam pamierła maja babula, jakaja była mnie druhoj mamaj. Orhany daviedalisia, što ja ŭ Biełarusi i zaviali kryminalnuju spravu za moj tvor «Tranzit». Abjavili ŭ vyšuk», — piša Kuźmič.
Za paru dzion da taho, jak da jaho dadomu pryjšli sa Śledčaha kamiteta, jon zjechaŭ u viosku.
«Pierad vybarami situacyja abvastryłasia. Pajšoŭ pa chatach učastkovy. Ja zrazumieŭ, što čas», — raspaviadaje jon.
Vyjechać ź pieršaj sproby nie ŭdałosia. Akazałasia, što z Rasii vyjezd jamu taksama zabaronieny.
«Ale ščylinu ja znajšoŭ. I całkam lehalna zvaliŭ….Užo treci raz», — piša mastak.
Mastak Alaksiej Kuźmič viadomy svaimi pierformansami. U dzień prezidenckich vybaraŭ-2020 jon byŭ zatrymany i źbity, emihravaŭ. U kastryčniku 2023 hoda jon vykłaŭ videa svajoj novaj akcyi z centra Minska. Alaksiej pakazaŭ hoły zad, stojačy pasiarod praśpiekta Pieramožcaŭ. Akazałasia, jon dva miesiacy tajemna prybyŭ u Biełarusi i navat zrabiŭ tam novy pašpart.
Mastak, jaki tajemna zjeździŭ u Biełaruś pa novy pašpart i čarhovy pierfomans, praciahvaje trolić milicyjantaŭ
U minskuju kvateru mastaka Alaksieja Kuźmiča, jaki zładziŭ pierfomans, prychodziła milicyja
«Nie karystaŭsia telefonam i staraŭsia nie traplać na kamiery». Mastak Alaksiej Kuźmič viarnuŭsia ŭ Biełaruś dziela pierfomansu
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary