Taksama prezident ZŠA raskrytykavaŭ słovy Donalda Trampa, jaki paraŭnaŭ svaje jurydyčnyja prablemy sa śmierciu Alaksieja Navalnaha.
Prezident Džo Bajden nazvaŭ prezidenta Rasii Uładzimira Pucina «zvarjaciełym sukinym synam» na mierapryjemstvie pa zbory srodkaŭ u sieradu ŭ San-Francyska, piša CNN.
«U nas zvarjacieły hety sukin syn, hety chłopiec, Pucin. I my zaŭsiody pavinny turbavacca pra jadzierny kanflikt. Ale ekzistencyjalnaj pahrozaj čałaviectvu źjaŭlajecca klimat», — skazaŭ Bajden prysutnym.
Prezident ZŠA taksama raskrytykavaŭ kamientary Donalda Trampa, jaki paraŭnaŭ svaje jurydyčnyja prablemy sa śmierciu Alaksieja Navalnaha. Bajden pierafrazavaŭ kamientary svajho papiarednika, a zatym skazaŭ aŭdytoryi, što «kali b ja stajaŭ tut 10-15 hadoŭ tamu i kazaŭ usio heta, vy b usie padumali, što ja pavinien być zaklučany ŭ turmu».
«Jon paraŭnoŭvaje siabie z Navalnym i kaža, što praz toje, što naša kraina nibyta stała kamunistyčnaj, niby jaho pieraśledvali hetak ža, jak pieraśledvali Navalnaha. Adkul, čort pabiary, heta biarecca», — skazaŭ Bajden, pa słovach žurnalistaŭ, prysutnych u zale.
U adroźnieńnie ad Bajdena i inšych zachodnich lidaraŭ, Tramp dahetul nie asudziŭ Rasiju ci Pucina za śmierć Navalnaha.
Tramp na pieradvybarnym mierapryjemstvie raspavioŭ, jak pahražaŭ sajuźnikam «zaachvocić Rasiju» da ahresii suprać ich, kab prymusić ich pavialičyć unioski ŭ kalektyŭnuju biaśpieku NATO.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary