Vałanciory vyzvalili biełarusa z rabstva ŭ Śviardłoŭskaj vobłaści Rasii
Biełarus Vadzim Žalazki pryjechaŭ na zarobki ŭ Rasiju ŭ mai 2023 hoda pa zaprašeńni švahra. Jamu abiacali zarobak u 25 tysiač rasijskich rubloŭ (kala 270 dalaraŭ), ale nasamreč zabrali dakumienty i jon pracavaŭ za ježu. Vyzvalili 33-hadovaha biełarusa vałanciory «Alternatyvy».
Vadzimu skazali, što jon budzie pracavać na piłaramie. Adnak jaho pryvieźli na fiermu ŭ Śviardłoŭskaj vobłaści, u pasiołak Šadrycha. U mužčyny zabrali ŭsie dakumienty, a jaho pracaj staŭ dohlad za karovami i dapamoha pa haspadarcy, pišuć vałanciory.
Za 10 miesiacaŭ pracy zarpłatu mužčynu nie zapłacili ni razu. A za adnojčy zhublenuju karovu Vadzima žorstka źbili.
Kali vałanciory z žurnalistami i vyklikanym palicejskim pryjechali na miesca, haspadar fiermy — armianin pa imieni Navier — zajaviŭ, što dakumienty ŭ Vadzima nie adbiraŭ, ale potym ich addaŭ.
Paśla ŭhavoraŭ supracoŭnikaŭ palicyi paličyć, kolki ž Vadzim zarabiŭ za amal hod pracy, Navier zrabiŭ raźliki i skazaŭ, što nikolki. Bo, jak śćviardžaŭ haspadar fiermy, častku abiacanaj zarpłaty jon pieraličvaŭ byłoj žoncy Vadzima ŭ košt alimientaŭ, a astatniaje pajšło na zabieśpiačeńnie jaho praduktami charčavańnia i rečami. Pavodle Naviera, Vadzim jašče i zastaŭsia daŭžnikom. Adnak hrošy na kvitok dadomu ŭsio ž daŭ.
Zaraz Vadzim u biaśpiecy i ŭ bližejšy čas zmoža viarnucca dadomu, pišuć vałanciory.
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary