U centry Vilni nadpisam na biełaruskaj movie apahanili pomnik aŭtaru himna Litvy
U samym centry Vilni ŭviečary 26 lutaha byŭ apahanieny pomnik paetu Vincasu Kudzirku — aŭtaru dziaržaŭnaha himna Litvy. Paviedamlajecca, što dvoje nieviadomych napisali na im čyrvonaj farbaj nadpis «Vilnia naša». Hetym razam tyja, chto heta robić, užo navat navučylisia pisać litaru «š» tak, jak jaje pišuć biełarusy.
Incydent adbyŭsia kala 20‑j hadziny na płoščy Vincasa Kudzirki, pry jakoj siarod inšaha raźmieščany budynak urada Litvy. Palicyja, jak paviedamlajecca, raspačała dasudovaje rasśledavańnie pa fakcie źniščeńnia abo paškodžańnia majomaści.
Premjer-ministarka Litvy Inha Ruhinienie zajaviła, što źviazvaje padobnyja pravakacyi ź dziejnaściu varožych sił. Pavodle jaje słoŭ, u ciapierašni napružany pieryjad, kali pobač z krainaj idzie vajna, Litva taksama znachodzicca ŭ zonie ryzyki i moža sutykacca z naŭmysnymi pravakacyjami. Jana padkreśliła, što adpaviednyja słužby ŭ Litvie pracujuć efiektyŭna i raskryvajuć niamała padobnych złačynstvaŭ.
Pra zdareńnie paviedamili haradskoj kamunalnaj słužbie, kab śpiecyjalisty ačyścili pomnik ad farby.
Padobnyja nadpisy apošnija hady źjaŭlajucca ŭ Vilni davoli rehularna. Jość padstavy mierkavać, što jany mohuć rabicca na śpiecyjalnuju zamovu, kab takim čynam raspalvać nianaviść u miascovych žycharoŭ da biełarusaŭ. Papiarednija zvaroty ŭ palicyju z hetaj nahody nijakaha plonu nie prynieśli, nichto za hetyja nadpisy nie byŭ zatrymany. Raniej «Naša Niva» pisała, jak zamaŭlajuć takija hrafici («padpracoŭka 2‑3 hadziny, 50 jeŭra») i jak u Vilni šukajuć ludziej, hatovych za hrošy špijonić za litoŭskimi śpiecsłužbami i zdymać akcyi biełarusaŭ.
Paraŭnoŭvajučy raniejšyja nadpisy, možna było zaŭvažyć, što jany, chutčej za ŭsio, robiacca adnoj rukoj. Pry hetym «š» i «ł» pišucca tak, jak pišuć ich ludzi, jakija karystajucca łacinicaj i nie viedajuć kirylicy.
U centry Vilni znoŭ źjaviŭsia nadpis «Vilnia naša» pa-biełarusku
Rasijskija i biełaruskija śpiecsłužby arhanizujuć ataki na biełarusaŭ u Litvie — Dziaržbiaśpieka Litvy
U centry Vilni znoŭ źjavilisia pravakacyjnyja nadpisy. Hetym razam kala niadaŭna pierajmienavanaha bara FOTY
Na budynku vilenskaj drukarni Skaryny źjaviŭsia čarhovy pravakacyjny nadpis FOTA
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary
a tyja hrafiččyki pierachodziać na zadańni bolš ekstrymalnyja, mo chto ź ich hatuju jaki padpał ci jašče što
Usio ž taki roznyja Žylvinasy Śvitojusy čytajuć i skrynšociać dla svajho fb kamientary na NN, i pisacieli na ścienach mahli prakansultavacca, jak pravilna pisać.