Šturm Aršanskaha adździeła KDB u žniŭni 2020 hoda: vyśvietlilisia važnyja detali
Pozna ŭviečary 31 žniŭnia 2020 hoda nieviadomyja na čornym miersiedesie z rasijskimi numarami prataranili varoty Aršanskaha adździeła KDB. Ale pra hety vypadak šyroka nie paviedamlałasia.
Aljans rasśledavalnikaŭ Biełarusi znajšoŭ dakumienty, jakija ŭtrymlivajuć detali zdareńnia, jakoje adbyłosia 31 žniŭnia 2020 hoda ŭ Oršy.
31 žniŭnia ŭ 22.46 spracavała sihnalizacyja Aršanskaha mižrajonnaha adździeła KDB. Praź dźvie chviliny na miescy byŭ narad adździeła achovy MUS.
Jak vyśvietliłasia, nieviadomy na aŭtamašynie «Miersiedes Benc» čornaha koleru z rehistracyjnymi znakami Rasii najechaŭ na varoty adździeła KDB. U vyniku byŭ paškodžany adzin z pryvodaŭ varotaŭ. Ź miesca zdareńnia mašyna źnikła.
Užo praź niekalki chvilin — u 22.50 — aŭtamabil z charakternymi paškodžańniami byŭ znojdzieny kala hulniavoha kłuba. U im byli troje biespracoŭnych. Adzin ź ich — raniej sudzimy za pjanaje kiravańnie aŭtamabilem i mieŭ 5-hadovuju zabaronu na kiravańnie.
Jak vynikaje ź infarmacyi ab zdareńni, nakiravanaj na imia načalnika UUS Viciebskaha abłvykankama, na prośby prajści ŭ słužbovy aŭtamabil, kab pajechać u balnicu na miedahlad, mužčyna «adkazaŭ admovaj, staŭ upiracca nahami ŭ padłohu, razmachvać rukami, sprabavaŭ vyrvacca, čym akazaŭ niepadparadkavańnie zakonnym patrabavańniam supracoŭnikaŭ milicyi».
U vyniku da jaho była ŭžytaja fizičnaja siła — «zahibańnie abiedźviuch ruk za śpinu» — i śpiecyjalnyja srodki — kajdanki. Mužčyna byŭ źmieščany ŭ miascovy IČU.
Dla kiroŭcy i pasažyraŭ «šturm» KDB skončyŭsia administratyŭnymi pakarańniami i paŭtornaj kryminalnaj spravaj za pjanuju jazdu. Ź vinavatych nie stali rabić terarystaŭ i razduvać historyju. Što i łahična, u ich nie było nijakich suviaziej z apazicyjaj ci ŭdzielnikami pratestaŭ.
Čytajcie jašče:
Pad Astraŭcom pjany biaspraŭnik na redkim aŭto pajšoŭ na taran inšaha aŭtamabila
Za padpał dźviarej babrujskaha KDB anarchisty atrymali pa 7 hadoŭ strohaha režymu
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary