U minskich kramach źjavilisia suchija draniki, jakija vielmi lohka možna pieratvaryć u tradycyjnyja. Navinku vypuściła kampanija «MašPiŝieProd» z Marjinaj Horki. Heta viadomy vytvorca čypsaŭ i bulbianoha piure, piša Blizko.by.
Suchija draniki — heta parašok dla hatavańnia tradycyjnych dranikaŭ. Uvohule takija suchija draniki kampanija vypuskała ŭžo ŭ 2016-2017 hadach, ale potym niekalki hadoŭ ich nie było vidać na palicach kram. Ciapier ža jany znoŭ źjavilisia ŭ abnoŭlenaj upakoŭcy. Adzin pačak kaštuje 3,99 rubla.
Sajt pradpryjemstva paviedamlaje, što draniki «pa-chatniamu» isnujuć čatyroch roznych vidaŭ: prostyja; z kropam; ź piercam; z morkvaj-časnakom. U karobcy źmiaščajecca 200 hramaŭ suchoj sumiesi. U zaležnaści ad smaku pradukcyi, heta albo dva pački pa 100 hramaŭ, albo adzin 200-hramovy pačak.
Vytvorca prapanuje nastupny sposab hatavańnia praduktu: charčovy kancentrat zalić chałodnaj vadoj, pastavić dla nabrakańnia na 20 chvilin, zatym staranna pieramiašać i smažyć na zmazanaj raślinnym alejem patelni da hatoŭnaści. Na vychadzie abiacajuć 14-16 dranikaŭ z adnoj karobki.
Try čałavieki, jakija sprabavali pryhatavać anałahičnyja draniki siem hadoŭ tamu, adznačali ŭ kamientarach: draniki smačnyja i padobnyja na tyja, što možna pryhatavać u chatnich umovach z syroj bulby.
U jakich restaranach adpačyvali minčuki ŭ 1980-ch — šmat nastalhičnych FOTA
«Napeŭna, muku dla blinoŭ jašče nie zmałoli». Hości puščanskaha Dzieda Maroza raskazali, jak jechali ŭ kazku, a trapili ŭ savok
Połk Kalinoŭskaha pavinšavaŭ biełarusaŭ z Novym hodam i pakazaŭ svoj recept dranikaŭ
Draniki taksama jość: biełaruska raskazała, jak žyvie ŭ Šviecyi
Ciapier čytajuć
Jak vyhladajuć kvatery z sacyjalnym ramontam dla čarhavikoŭ i kolki za ich prosiać1
Kamientary
nie vieru!