«Navošta vybary ŭ Kaardynacyjnuju radu? Jaki moža być protaparłamient u protadziaržavie?» — Šrajbman
U novym vypusku jutub-kanału «Hadzińničak cikaje» Arciom Šrajbman i Ryhor Astapienia abmierkavali miesca i rolu Kaardynacyjnaj rady ŭ žyćci biełarusaŭ.
Padčas razmovy Arciom Šrajbman zapytaŭsia ŭ Astapieni:
«Navošta ŭ hetaj karcinie śvietu vybary ŭ Kaardynacyjnuju radu? Tut navat Ofisu raboty niama. [Dastatkova] Śviatłanie Cichanoŭskaj prosta jeździć i na kanfierencyjach vystupać. Jaki moža być protaparłamient u protadziaržavie ŭ situacyi, kali ty možaš tolki Jasia-haspadara na vybary vyłučyć?
Navošta hetyja vybary, heta KR, navošta ŭsia heta simulacyja žyćcia byccam by ŭ nas jość alternatyŭnaja dziaržava?»
Na heta pytańnie Astapienia adkazaŭ, što nie pierastaje vieryć u Kaardynacyjnuju radu.
«Heta važny elemient dla emihracyjnaj, dyjasparalnaj historyi. Što my jaje niejak uklučajem, pačynajem pra heta razmaŭlać. Tut jość taksama historyja i pra treci siektar.
Častka palitykaŭ ciapier krytykuje treci siektar, kaža: čamu my pavinny padtrymlivać treci siektar, kali na samoj spravie jany žyvuć lepš za nas? Jany bolš zabiaśpiečanyja, majuć bolšyja ŭpłyvy».
Astapienia adznačaje, što na jaho pohlad, vielmi važna ŭklučać treci siektar:
«Heta pra toje, kab ludzi mahli kaardynavać svaju pracu. Što jany štości razam abmiarkoŭvajuć, vyrašajuć».
Na pohlad Astapieni, vybarčaja kampanija ŭ Kaardynacyjnuju radu nakiravana tolki na biełarusaŭ zamiežža. Nichto ŭžo nie raźličvaje, što niechta z žycharoŭ Biełarusi budzie hałasavać na vybarach u Kaardynacyjnuju radu.
«Ale kali heta vybary tolki dla dyjaspary, heta taksama niejkaja narmalnaja kampanija dla jaje mabilizacyi», — zaŭvažaje analityk.
Pry hetym jon by nie pierabolšvaŭ rolu Kaardynacyjnaj rady i nie razhladaŭ jaje jak parłamient: «Heta vialikaje pytańnie adnosna taho, ci pravilnaja była hulnia ŭ «davajcie my budziem protadziaržavaj». U doŭhaterminovaj pierśpiektyvie heta nie spracavała».
Nahadajem, što vybary ŭ Kaardynacyjnuju radu pavinny prajści 25 maja.
Čytajcie jašče:
Ciapier čytajuć
Minčanka Anhielina, jakaja vyprasiła ŭ Łukašenki kvateru za trajniat, upieršyniu pakazała toj padarunak15
Minčanka Anhielina, jakaja vyprasiła ŭ Łukašenki kvateru za trajniat, upieršyniu pakazała toj padarunak
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku6060
Kamientary
Snačała nužno skinuť łuku,pieriesažajem vsiech jeho prichvostniej i na čiestnych vyborach budiem vyjaśniať kto prav i kto dostojnyj iz dostojniejšich čtob vozhłaviť stranu