U Krupkach sud apraŭdaŭ abvinavačanaha ŭ «raspaŭsiudzie ekstremisckich materyjałaŭ»
Sud uchvaliŭ redkaje ŭ naš čas rašeńnie, što «ŭ dziejańniach padsudnaha adsutničaje skład administracyjnaha pravaparušeńnia».
Dziasiatki ludziej sudziać u Biełarusi pa administracyjnym artykule za tak zvany «raspaŭsiud ekstremisckich materyjałaŭ». Tak orhany traktujuć padpiski na niezaležnyja vydańni i telehram-kanały.
Ale ŭ Krupkach čałavieka apraŭdali, u padsudnaha znajšli takija padpiski, ale nie asudzili, piša Radyjo Svaboda.
Administracyjnuju spravu razhladaŭ sud Krupskaha rajona (Minskaja vobłaść).
Pavodle pratakoła, vajskoviec z vajskovaj častki ŭ pasiołku Bobr Krupskaha rajonu pryciahvaŭsia da adkaznaści pa častcy 2 artykułu 19.11 KaAP («raspaŭsiudžvańnie ekstremisckich materyjałaŭ), bo mieŭ u svaim telefonie ŭ sacyjalnaj sietcy «Vkontaktie» padpiski na «Maja kraina Biełaruś» i «Tipičnyj Borisov», jakija ŭklučanyja ŭ tak zvany śpis ekstremisckich materyjałaŭ.
Na sudzie vajskoviec «vinu ŭ ździajśnieńni pravaparušeńnia nie pryznaŭ, patłumačyŭ, što sapraŭdy mieŭ padpiski. Adnak mety raspaŭsiudžvać ich nie mieŭ, nie viedaŭ, što heta «ekstremisckija materyjały», bo padpiska była zroblenaja kala piaci hadoŭ tamu. Doŭhi čas nie prahladaŭ źmiest hetych supołak».
Sud vyrašyŭ, što spravu treba spynić na padstavie taho, što «ŭ dziejańniach adsutničaje skład administracyjnaha pravaparušeńnia». Vajskoŭcu viarnuli telefon Honor 90.
U Oršy žančynu aštrafavali na 1200 rubloŭ za łajk pad karcinkaj sa śviečkaj. U jaje piensija 340 rubloŭ
«Dobra, što choć zatrymali na vulicy i byŭ u adzieńni». 74-hadovy mužčyna ź Mikaševičaŭ vyjšaŭ na volu paśla 15 sutak
«Heta nie pra pakarańnie, a pra zapužvańnie». Navošta patrebny damokłaŭ mieč ekstremizmu?
Ciapier čytajuć
U Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru8
Kamientary