Pucin moh atrymać intymnyja videa niamieckich palitykaŭ i čynoŭnikaŭ — Bild
Jak piša hazieta Bild, na fonie hučnaha skandału z rasijskaj prasłuchoŭkaj u Hiermanii niamieckija palityki «mocna zaniepakoilisia» pytańniem, a ci moh Pucin, aproč vajskovych sakretaŭ, taksama atrymać dostup i da intymnych. Ekśpierty adznačajuć, što vierahodnaść padobnaha vielmi vysokaja.
Apošniaja ŭciečka razmovy niamieckich aficeraŭ pra rakiety Taurus i ich mahčymaje ŭžyvańnie suprać Rasii «surjozna spałochała» niekatorych palitykaŭ i prymusiła zadumacca, a jakimi jašče danymi mahła zavałodać rasijskaja vyviedka, paviedamlaje Bild.
Turboty hetyja taksama tyčacca i mahčymych źlivaŭ Kramlom infarmacyi ab intymnym žyćci niamieckich palitykaŭ.
Jak miarkuje vajskovy ekśpiert i prafiesar Miunchienskaha ŭniviersiteta pry Minabarony Hiermanii (Bundeśvierie) Karła Masała, padobnyja intymnyja videa ŭžo mohuć być pierachopleny Rasijaj.
«Rasija ŭžo daŭno źbiraje kampramat na palitykaŭ i ministerskich čynoŭnikaŭ Hiermanii. U jakaści kampramatu taksama vystupaje i prychavanaja zdymka ich seksualnaha žyćcia, jakaja potym vykarystoŭvajecca dla vyjaŭleńnia ŭraźlivaściaŭ i šantažu pry ich viarboŭcy. Miarkuju, što padobnyja videa ŭžo jość u Kramla», — adznačyŭ haziecie Bild prafiesar Karła Masała.
Jon dadaŭ, što Hiermanija dla Rasii źjaŭlajecca «samaj važnaj dziaržavaj u Jeŭropie», asabliva z punktu hledžańnia pytańnia vajskovaj padtrymki Ukrainy. I mienavita tamu tut pravodziacca maštabnyja špijonskija hulni.
Kamientary