Nam heta pieśnia bolš viadomaja ŭ vykanańni Selin Dyjon.
Amierykanski pop-śpiavak Eryk Karmen, aŭtar suśvietnaha chita 1970-ch hadoŭ All by Myself, pamior va ŭzroście 74 hadoŭ. Pra heta paviedamili na aficyjnym sajcie artysta.
Eryk Karmen naradziŭsia ŭ 1949 hodzie ŭ Kliŭlendzie, jak paviedamlajecca, u siamji jaŭrejskich emihrantaŭ z Rasii.
Z šaści hadoŭ braŭ uroki skrypki ŭ svajoj ciotki. U adzinaccacihadovym uzroście hraŭ na fartepijana i maryŭ ab składańni svaich ułasnych piesień. Adnak źjaŭleńnie ŭ ZŠA z kancertami takich hurtoŭ jak «Bitłz» i «Rolinh Stoŭnz» trochi źmianili jaho mary, tak što na momant vučoby na druhim kursie Lindchierstskaj vyšejšaj škoły Eryk Karmen stanovicca kłavišnikam i vakalistam rok-n-rolnaj hrupy.
U dadatak da navučańnia pa kłasie fartepijana, Eryk staŭ hitarystam-samavukam. U 15 hadoŭ jon pačaŭ brać uroki na hitary, ale, uśviadomiŭšy, što mietady nastaŭnika nie dajuć žadanych vynikaŭ, vyrašyŭ navučycca sam. Što jon i zrabiŭ, kupiŭšy knihu z akordami piesień «Bitłz» i asvoiŭ jaje za čatyry miesiacy.
Dasiahnuŭ vialikaha pośpiechu ź niekalkimi pieśniami, jakija stali chitami ŭ 1970-ch i 1980-ch hadach, śpiarša jak udzielnik hurta Raspberries, a zatym vyrašyŭšy zaniacca solnaj karjeraj. Siarod papularnych piesień jość takija, jak Never Gonna Fall in Love Again, She Did It, Hungry Eyes.
Hałoŭny jaho chit All By Myself (Zusim adzin) nam bolš viadomy ŭ vykanańni Selin Dyjon.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary