Minčanku zatrymali za ŭdzieł u pratestach pa viartańni ŭ Biełaruś
U telehram-kanale «siłavikoŭ» źjaviłasia videa z zatrymanaj dziaŭčynaj.
Zatrymanaja — 33-hadovaja Hreta Dalinkievič (Maksimava). U 2020-ym zajmałasia vaskavoj depilacyjaj. U žančyny dvoje niepaŭnaletnich dziaciej.
Viadoma, što z 2021-ha jana za mužam Jaŭhienam Dalinkievičam pierajechała ŭ Kalininhrad, jaki ŭładkavaŭsia tudy na pracu spartovym masažystam. Ale paśla jany razyjšlisia i Hreta viarnułasia ŭ Minsk. Viadoma, što ŭ apošnija niekalki tydniaŭ jana była ŭ Jeŭropie, ale žyć tudy nie pierajazdžała.
Dziaŭčyna na videa kaža, što ŭdzielničała ŭ pratestach, a taksama nibyta kuryravała dvarovy čat «Nieścierka». Heta kolišni čat doma pa Bahdanoviča, 78, dzie niekali raźmiaščałasia słavutaja krama «Nieścierka».
Hubazikaŭcy śćviardžajuć, što ab viartańni dziaŭčyny ŭ Biełaruś ich papiaredzili praz bot, ale ničym heta nie paćviardžajuć.
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary