Žychara Homiela asudzili za «ŭdzieł u ekstremisckim farmavańni» i «finansavańni terarystyčnaj dziejnaści»
Homielski abłasny sud 7 sakavika zaviaršyŭ razhlad kryminalnaj spravy Aleha Dziehciarenki, jakoha abvinavacili va «ŭdziele ŭ ekstremisckim farmavańni» (č. 3 art.361-1 KK) i «finansavańni terarystyčnaj dziejnaści» (č. 2 art. 290-1 KK). Spravu ŭ zakrytym režymie razhladaŭ sudździa Aleh Charoška.
Sutnaść abvinavačańnia pravaabaroncam pakul nieviadomaja, piša «Viasna»
Sud, jaki doŭžyŭsia z 22 lutaha, pryznaŭ Dziehciarenku vinavatym va ŭvachodžańni ŭ skład ekstremisckaha farmavańnia i na padstavie č.3 art. 361-1 KK jamu pryznačana pakarańnie ŭ vyhladzie pazbaŭleńnia voli na termin 3 hady.
Jon ža pryznany vinavatym u davańni srodkaŭ lubym sposabam u metach vykarystańnia ŭ terarystyčnaj dziejnaści, materyjalnaha zabieśpiačeńnia i inšaj padtrymki, asobaj, jakaja raniej učyniła złačynstva, praduhledžanaje art.361-1 KK, i na padstavie č. 2 art. 290-1 KK (u redakcyi Zakona Respubliki Biełaruś ad 09.01.2019 №171-Z) jamu pryznačana pakarańnie ŭ vyhladzie pazbaŭleńnia voli na termin 8 hadoŭ sa štrafam u pamiery 100 bazavych vieličyń.
Šlacham častkovaha składańnia pakarańniaŭ, kančatkova abvinavačanamu pryznačana pakarańnie ŭ vyhladzie pazbaŭleńnia voli na termin 8 hadoŭ 6 miesiacaŭ z adbyvańniem u papraŭčaj kałonii va ŭmovach uzmocnienaha režymu sa štrafam 100 bazavych vieličyń (4000 rubloŭ).
Mabilny telefon Dziehciarenki kanfiskavany ŭ dachod dziaržavy.
Ciapier čytajuć
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna10
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2121
Kamientary