Brytanskaja raźviedka acaniła ŭpłyŭ udaru Ukrainy pa avijazavodzie ŭ Tahanrozie
U noč na 9 sakavika rasijskija Tahanroh i Kursk padvierhlisia napadu ŭkrainskich bieśpiłotnikaŭ. U vyniku paciarpieŭ Tahanrohski avijacyjny navukova-techničny kompleks imia Bieryjeva. U cechach zavoda ciapier siarod inšaha ramantujuć samalot DRŁA A-50 VKS Rasii, jaki raniej paciarpieŭ ad ataki dronaŭ u Mačuliščach. Ciapier raźviedka Vialikabrytanii praanalizavała nastupstvy hetaha ŭdaru.
U viedamstvie adznačyli, što zavod u Tahanrozie maje šyrokaje stratehičnaje značeńnie dla Rasii, pakolki absłuhoŭvaje stratehičnyja bambaviki, transpartnyja samaloty, a taksama źjaŭlajecca vyprabavalnym centram dla samalotaŭ novaha pakaleńnia A-100. Pastajannaja prysutnaść aktyŭnaj supraćpavietranaj abarony, raźmieščanaj vakoł jaho, śviedčyć ab jaho važnaści, dadali ŭ raźviedcy.
Spadarožnikavyja vyjavy nastupstvaŭ ataki demanstrujuć paškodžańni dvuch bujnych budynkaŭ, źviazanych z parkam A-50, jakija, chutčej za ŭsio, vykarystoŭvalisia dla zachoŭvańnia samalotaŭ padčas pieryjadaŭ hłybokaha techničnaha absłuhoŭvańnia.
Strata samalota A-50U z vysokaj imaviernaściu značna paharšaje situacyjnuju abaznanaść RF, adznačyli va ŭstanovie. Praz dva tydni paśla straty druhoha A-50 rasijski fłot, chutčej za ŭsio, nie zmoža vykonvać paloty ŭ padtrymku apieracyj va Ukrainie.
«Ataka na avijazavod demanstruje, što ŭkrainskija apieracyi ŭsio jašče mohuć dasiahać stratehična važnych abjektaŭ na terytoryi Rasii, navat kali takija abjekty ličacca abaronienymi ŭ pavietry abo na sušy», — havorycca ŭ ahladzie.
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1111
Kamientary