Raniej ludzi trapili ŭ pastku praz ukaz Łukašenki ab «niedružalubnych» krainach.
Ludzi, jakija kupili kvatery niekalki hod tamu ŭ «Dany» i ŭžo całkam za ich raspłacilisia, nie mohuć ich aformić na siabie. Pryčyna — va ŭkazie №326, pryniatym u kastryčniku 2023 hoda (jon unios źmieny va ŭkaz №93 ad 2022 hoda). Zhodna ź im, kampanija, dzie jość zamiežny kapitał (ułaśnik z «niedružalubnaj» dziaržavy), nie maje prava bieź śpiecyjalnaha dazvołu ŭrada i ŭznosu ŭ biudžet raspradavać svaju majomaść. Zamiežnyja zabudoŭščyki mohuć pradavać ludziam pabudavanaje žyllo tolki razam z vypłataj 25%-ha ŭniosku. «Dana Astra» maje kiprskich ułaśnikaŭ.
13 sakavika Łukašenka padpisaŭ novy ŭkaz, jaki ŭdakładniaje niekatoryja momanty z majomaściu takich kampanij.
U pryvatnaści, u dakumiencie pišacca, što pry pakupcy kvater u zabudoŭščykaŭ nie treba budzie atrymlivać dazvoł urada i płacić uznos u 25% ad koštu, kab aformić hetu nieruchomaść va ŭłasnaść.
Ukaz zakranuŭ i inšyja pytańni, źviazanyja z kampanijami z kapitałam z «niedružalubnych» krain. Naprykład, dadatkovy ŭznos i dazvoł nie budzie patrebny ŭ vypadkach, kali bank zabiraje majomaść daŭžnikoŭ. Całkam z dakumientam možna aznajomicca tut.
Dakumient ustupaje ŭ siłu z 14 sakavika 2024 hoda (momantu apublikavańnia).
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary