U Homieli hramadzianku Ukrainy asudzili da 9 hadoŭ źniavoleńnia za «špijanaž»
Homielski abłasny sud u zakrytym režymie vynies prysud hramadziancy Ukrainy Natalli Zacharčancy. Jak stała viadoma «Radyjo Svaboda», pa artykule «špijanaž» jana atrymała 9 hadoŭ źniavoleńnia.
Pra prysud «Radyjo Svaboda» daviedałasia sa svaich krynic. Taksama hetuju infarmacyju paćvierdzili znajomyja Natalli z Čarnihava. U raskładzie pasiadžeńniaŭ Homielskaha abłasnoha suda na dva sakavickija tydni, ad 11 sakavika i na nastupny tydzień, słuchańniaŭ pa spravie Natalli Zacharčanki niama.
Viadoma, što ŭ dadatak da terminu ŭ kałonii sud pastanaviŭ kanfiskavać u Natalli mikraaŭtobus.
Razam z ukrainkaj sudzili jaje siabroŭku, biełarusku z Mazyra Łarysu Krupu. Za «niedaniasieńnie pra złačynstva» jana atrymała štraf u pamiery 100 bazavych vieličyń (4 tysiačy biełaruskich rubloŭ).
Praces nad ukrainkaj, žycharkaj Čarnihava Natallaj Zacharčankaj i jaje siabroŭkaj-biełaruskaj pačaŭsia 15 lutaha ŭ Homielskim abłasnym sudzie. Akaličnaści abvinavačvańnia nieviadomyja, jak i detali pracesu — sud byŭ zakryty.
Natalla Zacharčanka paśla pačatku «vialikaj vajny» rehularna jeździła z Čarnihava ŭ Mazyr praz Polšču. Jana pieravoziła rečy, ludziej, chatnich hadavancaŭ. Biełarusy i ŭkraincy achvotna karystalisia jaje pasłuhami, bo paśla 24 lutaha 2022 hoda miaža Ukrainy ź Biełaruśsiu zakrytaja.
U pačatku lipienia 2023 hoda Natalla čarhovy raz pajechała ŭ Biełaruś i źnikła. Paźniej akazałasia, što jaje zatrymali i jana ŭ SIZA.
Pavodle infarmacyi «Radyjo Svaboda», Natalla Zacharčanka da 2020 hoda zajmałasia kantrabandaj tavaraŭ z Ukrainy ŭ Biełaruś i ŭ zvarotnym kirunku. U 2017 hodzie jana davała pakazańni jak śviedka na sudzie ŭ hučnaj spravie homielskich mytnikaŭ. Tady jana śviedčyła, što mytniki brali chabar, choć sama nieadnarazova pryciahvałasia da adkaznaści za parušeńnie mytnaha zakanadaŭstva.
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik26
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje55
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje5
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1212
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć12
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2222
Kamientary