Žančynu asudzili da «chatniaj chimii» i vialikaha štrafu za dopis u fejsbuku
13 sakavika ŭ sudzie Baranavičaŭ i Baranavickaha rajona prajšoŭ sud nad Taćcianaj Makaravaj. Žančynu pryznali vinavataj pavodle č. 3 art. 203-1 Kryminalnaha kodeksa (niezakonnyja dziejańni ŭ dačynieńni da infarmacyi pra pryvatnaje žyćcio i piersanalnych danych), piša «Viasna».
Žančynu asudzili da dvuch z pałovaj hadoŭ abmiežavańnia voli biez nakiravańnia ŭ PUAT («chatniaj chimii»). Taksama joj pryznačyli štraf u pamiery 4000 rubloŭ (100 bazavych vieličyniaŭ).
Admietna, što pasiadžeńnie adbyvałasia nie ŭ budynku suda, a ŭ Baranavickim mašynabudaŭničym kaledžy. Spravu razhladzieła sudździa Safija Chvalko.
Taćcianu Makaravu pryznali vinavataj u tym, što jana raspaŭsiudziła ŭ fejsbuku infarmacyju pra piersanalnyja danyja opierupaŭnavažanaha kryminalnaha vyšuku AUS Mahiloŭskaha rajvykankama. Žančyna svaju vinu pryznała.
Jak miarkujecca, da suda žančynu trymali ŭ Baranavickim SIZA №6: sama jana žyvie ŭ Lachavickim ci Łuninieckim rajonie, ale ŭ śniežni 2023 hoda jaje dvojčy sudzili ŭ Baranavickim sudzie pavodle art. 19.11 KaAP (pryčym druhi raz sudzili pa skajpie). Heta vynikaje z pastanoŭ Baranavickaha suda ŭ dačynieńni da Makaravaj. Pa tych administracyjnych spravach žančynie davali 10 sutak aryštu, štraf na 20 bazavych (740 rubloŭ) i kanfiskavali telefon.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary