Paplečniki Alaksieja Navalnaha pryznačyli na 17 sakavika a 12 hadzinie praviadzieńnie akcyi «Apoŭdni suprać Pucina». Jany zaklikali prychodzić na vybarčyja ŭčastki ŭ adzin i toj ža čas i hałasavać suprać dziejnaha prezidenta Rasii. Pahladzieli, što adbyvajecca.
Akcyja pačałasia z ŭschodnich rehijonaŭ RF. Vialikaja čarha vystraiłasia kala vybarčaha ŭčastka ŭ Novasibirskim dziaržaŭnym univiersitecie.
U meryi Novasibirska čerhi rastłumačyli mierami biaśpieki.
«U suviazi z tym, što padčas praviadzieńnia trochdzionnaha hałasavańnia na vybarach prezidenta Rasijskaj Fiederacyi ŭ roznych rehijonach byli sproby pravakatyŭnych dziejańniaŭ z metaj destabilizacyi pracy vybarčych kamisij, u Novasibirskaj vobłaści ŭzmocnienyja miery biaśpieki na vybarčych učastkach. Tamu siońnia ŭ niekatorych pamiaškańniach dla hałasavańnia nazirałasia vialikaja kolkaść vybarščykaŭ», — havorycca ŭ paviedamleńni meryi.
Čerhi ŭtvarylisia taksama ŭ Jekaciarynburhu i Čalabinsku.
Tłumačeńnie čerham prydumali i ŭ rasijskim Centrvybarkamie. Kiraŭnica CVK Eła Pamfiłava zajaviła, što kolkaść žadajučych prahałasavać pavialičyłasia paśla vypadkaŭ psuty skryni ź biuleteniami zialonkaj i inšymi farbujuć rečyvami.
«Jany nastolki vyklikali buru abureńniaŭ u ludziej, što naadvarot, my zavalenyja zvankami, i da mianie pišuć: «Navat nie dumali pajści hałasavać, ale ciapier usio adkłali i idziem hałasavać», — zajaviła Pamfiłava.
Ludzi dałučajucca da akcyi i za miažoju. U Armienii i Kazachstanie čerhi da ŭčastkaŭ dla hałasavańnia raściahnulisia na sotni mietraŭ.
Da pasolstva Rasii ŭ Ryzie miascovyja ŭłady źvieźli palicyju i supracoŭnikaŭ mihracyjnaj słužby. Častku vulicy pieraharadzili.
Šalonaja čarha staić da vybarčaha ŭčastka ŭ Haazie.
U Kišyniovie mužčyna kinuŭ butelku z zapalnaj sumieśsiu praz aharodžu pasolstva Rasii, dzie arhanizavany vybarčy ŭčastak. Jaho zatrymali.
Ciapier čytajuć
Mama Baženy Jaremič, jakaja rychtuje pryhažuń dla Łukašenki, kupiła elitny katedž koštam $837 tysiač18
Kamientary
Tolki 9 žniŭnia 2020-ha i 27 lutaha 2022-ha niekatoryja biełarusy słuchali spadaryniu Śviatłanu i stvarali takuju ž karcinku