U Minsku pačali vypraboŭvać anłajn-sistemu manitorynhu jakaści vady. Jana dazvalaje adsočvać situacyju ŭ roznych častkach horada z dapamohaj śpiecyjalnaj karty i apieratyŭna reahavać na mahčymyja adchileńni, paviedamili ŭ efiry telekanała STB.
Jak patłumačyŭ hienieralny dyrektar «Minskvodakanała» Fiodar Rymašeŭski, u najbolš važnych punktach vodapravodnaj sietki pastavili datčyki mutnaści vady. Jany pieradajuć infarmacyju ŭ režymie realnaha času. Kali pakazčyki źmianiajucca, dyśpietčar atrymlivaje sihnał i moža chutka adreahavać na niestandartnuju situacyju. Pakul sistema pracuje nie ŭ poŭnym abjomie i praciahvaje dapracoŭvacca.
U Minsku taksama praciahvajecca abnaŭleńnie vodapravodnych i kanalizacyjnych sietak. Da kanca 2026 hoda ŭłady płanujuć zamianić bolš za 65 kiłamietraŭ kamunikacyj. Raboty ŭžo nabližajucca da zaviaršeńnia.
Akramia taho, pravodzicca maštabnaja rekanstrukcyja Minskaj ačyščalnaj stancyi. Raboty viaducca pa piaci asnoŭnych napramkach, dva ź jakich płanujuć zaviaršyć da kanca hoda.
U stalicy taksama skončyli nieabchodnuju padrychtoŭku da asieńnie-zimovaha pieryjadu. Śpiecyjalisty pravieryli pažarnyja hidranty, hidratechničnyja zbudavańni i pompavaje abstalavańnie.
Asobnaja ŭvaha nadajecca śniehapłavilnym punktam. Ciapier u Minsku pracujuć dva takija abjekty. Treci budujuć na vulicy Cimirazieva. Zaviaršyć budaŭnictva płanujuć u listapadzie, kab u pačatku śniežnia punkt moh paŭnavartasna pracavać.
Na vypadak mocnych marazoŭ staličnyja žyllova-kamunalnyja słužby padrychtujuć dadatkovyja avaryjnyja bryhady i zaćvierdziać hrafiki dziažurstvaŭ adkaznych supracoŭnikaŭ. Praduhledžanyja taksama pazapłanavyja pravierki sistem ciepłazabieśpiačeńnia, ciepłavych sietak i indyvidualnych ciepłavych punktaŭ.
U Minsku kala 7,5 tysiačy žyłych damoŭ z centralizavanym aciapleńniem — heta najbolšaja kolkaść u krainie. Tamu nadziejnaje ciepłazabieśpiačeńnie zimoj zastajecca adnoj z hałoŭnych zadač haradskich słužbaŭ.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary