Jašče adzin hulec z čempijanatu Biełarusi moža pierajści ŭ top-čempijanat
20-hadovy sieniehalski abaronca BATE Sidzi Bane blizki da pierachodu ŭ francuzski «Łans». Suma tranśfieru składzie prykładna 300 tysiač dalaraŭ, piša telehram-kanał «Ucho».
Hulcu było prapanavana padoŭžyć dziejučaje da kanca hoda pahadnieńnie z pavieličeńniem zarobku, na što toj adkazaŭ admovaj.
U minułym siezonie futbalist pravioŭ 15 matčaŭ u čempijanacie Biełarusi, zabiŭ try miačy. Uvosień byŭ blizki da pierachodu ŭ «Al-Džaziru» z AAE, adnak nie skłałasia.
«Łans» ciapier znachodzicca na 6-m miescy ŭ turnirnaj tablicy čempijanatu Francyi, na čatyry bały adstajučy ad treciaha miesca.
Uletku ŭ kłub pierajšoŭ uźbiek Abdukadzir Chusanaŭ, jaki pravioŭ za kłub 13 hulniaŭ u roznych turnirach («Łans» hulaŭ u hrupavym turniry Lihi čempijonaŭ).
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ12
Kamientary