Pravasłaŭnaha śviatara ź Pinska zabrali ŭ vojska, jon słužyć u desancie
Kliryka pravasłaŭnaha chrama Śviatych Piatra i Fiaŭrońni ŭ Pinsku ijereja Arciemija Mihaleviča adpravili słužyć u vojska ŭ toj ža samy čas, kali chacieli pryzvać i katalickaha śviatara, zaŭvažyŭ Katolik.life.
Jak vyśvietliłasia, pieršych śviataroŭ adpravili słužyć u armiju jašče padčas viasnovaha pryzyvu ŭ 2023 hodzie — kali sprabavali pryzvać i vikaryja katalickaj parafii ŭ Navahrudku Dźmitryja Malca. Jon tady prybyŭ u vajenkamat dziela adpraŭki ŭ vojska, ale adtul śviatara nakiravali na miedabśledavańnie, jakoje jon nie prajšoŭ.
Jak havorycca ŭ paviedamleńni, apublikavanym pinskim pravasłaŭnym prychodam, jahony kliryk niasie terminovuju vajskovuju słužbu ŭžo 10-y miesiac — heta značyć, byŭ adpraŭleny ŭ vojska ŭ traŭni 2023-ha.
Akurat u toj čas źjaviłasia infarmacyja ab rašeńni ŭładaŭ pačać pryzyvać na terminovuju vajskovuju słužbu śviataroŭ, adnak mierkavałasia, što jany buduć prachodzić jaje ŭ transpartnych vojskach, uličvajučy niemahčymaść śviataram brać u ruki zbroju. Ale ŭ vypadku ź pinskim śviatarom heta akazałasia nie tak — jaho adpravili ŭ pavietrana-desantnyja vojski ŭ v/č 92616 u Breście.
12 sakavika hrupa pradstaŭnikoŭ 38-j asobnaj hvardziejskaj desantna-šturmavoj bryhady, dzie słužyć kliryk, naviedała pinski chram. Heta byŭ vizit u adkaz, bo da taho carkoŭniki naviedali vajskoŭcaŭ na ich terytoryi.
Arciemij Mihalevič rodam z Łuninca, raniej hraŭ u arkiestry. Na zdymku jon u vajskovaj formie, u akularach.
Ciapier u Biełarusi prachodzić novaja pryzyŭnaja kampanija. Adnosna pryzyvu śviataroŭ viasnoj 2024 hoda — jak katalickich, tak i pravasłaŭnych — publičnaj infarmacyi pakul niama.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary