Pałkavy ściah najbujniejšaj biełaruskaj farmacyi va Uzbrojenych siłach Ukrainy — Pałka Kalinoŭskaha — razharnuŭ u Radzie ŭkrainski deputat Ihar Huź z kalehami. U fejsbuku jon apublikavaŭ videa.
«Z pačatku poŭnamaštabnaha ŭvarvańnia Rasii voiny biełaruskaha pałka stajać za Ukrainu. Jany pryjechali va Ukrainu ź Jeŭropy, kab vajavać, abaraniali Kijeŭ, kali heta było vielmi treba, a ciapier jany znachodziacca na ŭschodnim froncie.
Kožny biełarus, jaki maje zbroju ŭ rukach i zmahajecca z rasijskim akupantam, viedaje, što biez svabodnaj Ukrainy nie budzie svabodnaj Biełarusi.
My pamiatajem ab achviarach. Heta dziasiatki bajcoŭ Pałka Kalinoŭskaha i biełarusaŭ ź inšych padraździaleńniaŭ, jakija zahinuli na poli boju. Nikoli nie zabudziem.
Hłyboka pierakanany, što my vielmi chutka z hetym ściaham budziem u volnym Minsku i ŭ svabodnaj Biełarusi.
Słava Biełarusi! Słava Ukrainie!» — napisaŭ Huź.
Ihar Huź byŭ udzielnikam akcyi «Čarnobylski šlach — 2005» u Minsku. Jaho asudzili na 10 sutak administratyŭnaha aryštu, a potym departavali ź Biełarusi z zabaronaj na ŭjezd u krainu na 5 hadoŭ.
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1111
Kamientary