Na Kujbyšaŭskim NPZ pad Samaraj paśla ataki bieśpiłotnika adbyŭsia pažar
Achviar i paciarpiełych niama.
Uzharańnie kałony pieršasnaj pierapracoŭki nafty adbyłosia ŭ vyniku ataki bieśpiłotnika na AT «Kujbyšaŭski NPZ» (Novakujbyšaŭsk, Samarskaja vobłaść) nočču ŭ subotu, achviar i paciarpiełych niama, paviedamili «Interfaksu» ŭ pres-słužbie rehijanalnaha ŭrada sa spasyłkaj na hubiernatara Dźmitryja Azarava.
«Siońnia nočču byli ździejśnienyja ataki BPŁA na naftapierapracoŭčyja pradpryjemstvy rehijonu. Na Kujbyšaŭskim NPZ u vyniku adbyłosia ŭzharańnie kałony pieršasnaj pierapracoŭki nafty. Achviar i paciarpiełych niama», — pryvodziacca ŭ paviedamleńni słovy Azarava.
Na miescy pracujuć ekstrannyja słužby i siłavyja viedamstvy, stvorany apieratyŭny štab.
«Pa Novakujbyšaŭskim NPZ sprobu ataki ŭdałosia adbić. Škody technałahičnamu abstalavańniu nie naniesiena», — cytuje pres-słužba kiraŭnika rehijonu.
Kujbyšaŭski NPZ śpiecyjalizujecca na vypusku matornaha paliva, uklučajučy bienziny i dyzielnaje paliva ekałahičnaha standartu Jeŭra-5, a taksama niekalkich dziesiatkaŭ inšych zapatrabavanych na rynku naftapraduktaŭ.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary