Sud u Maskvie aryštavaŭ čaćviarych padazravanych u terakcie ŭ «Krokus Sici Chole». Jany ŭsie žorstka źbityja
Adnaho z padazravanych dastavili ŭ kreśle-katałcy z katetaram.
Uviečary 24 sakavika Basmanny sud Maskvy adpraviŭ u SIZA da 22 maja čaćviarych padazravanych u ździajśnieńni teraktu ŭ «Krokus Sici Chole», paviedamlaje «Dožd́» sa spasyłkaj na telehram-kanał maskoŭskich sudoŭ.
Dalerdžona Mirzojeva, Račabalizadu Saidakrami Muradali, Muchamadsabira Fajzava i Šamsidzina Faryduni aryštavali pa artykule ab terakcie. Dalerdžon Mirzojeŭ i Saidakrami Muradali Račabalizada pryznali vinu ŭ poŭnym abjomie, śćviardžajecca ŭ paviedamleńni suda.
Muchamadsabira Fajzava dastavili ŭ zału pasiadžeńnia na katałcy ŭ supravadžeńni daktaroŭ. U Dalerdžona Mirzojeva adrezana vucha.
Pasiedžańnie suda prajšło ŭ zakrytym režymie pa prośbie śledčaha. Śledčy paprasiŭ ab hetym, kab nie vykazać «dziaržaŭnuju ci inšuju tajamnicu» i dla «biaśpieki ŭdzielnikaŭ pracesu», «u tym liku svajakoŭ zahinułych».
23 sakavika FSB dałažyła Pucinu ab zatrymańni 11 čałaviek, u tym liku čaćviarych terarystaŭ, jakija ŭdzielničali ŭ terakcie ŭ «Krokusie». «Važnyja historyi» pisali, što frahmienty adzieńnia strałkoŭ na videa i zatrymanych padazravanych supadajuć u detalach.
Fota: «Miedyjazona», «Sudy ahulnaj jurysdykcyi horada Maskvy» / Telegram
Ciapier čytajuć
Voś jakoje charastvo za 40 miljonaŭ dalaraŭ pradaje siabar-trenier Łukašenki1
Voś jakoje charastvo za 40 miljonaŭ dalaraŭ pradaje siabar-trenier Łukašenki
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary