I abnaviŭ jašče adzin rekord.
U matčy Nacyjanalnaj baskietbolnaj asacyjacyi (NBA) siońnia ranicaj «Sakramenta Kinhz» — «Fiładelfija Siksiers» (108:96), adzin ź lidaraŭ «Sakramenta» Damantas Sabonis padčas matču zmoh aformić čarhovy dabł-dabł u hetym siezonie, jaki staŭ dla jaho 54-m zapar.
Damantas zrabiŭ 13 padboraŭ i zrabiŭ 11 pieradačaŭ (dabł-dabł).
Heta novy rekord lihi paśla źlićcia Amierykanskaj i Nacyjanalnaj baskietbolnych asacyjacyj u 1976 hodzie, piša Championat.com
Raniej dasiahnieńnie naležała ciažkamu forvardu Kievinu Łavu, jaki, budučy hulcom «Miniesoty Tymbiervułvz», u siezonie-2010/2011 aformiŭ 53 dabł-dabły zapar. Treci najlepšy pakazčyk naležyć Moziesu Mełoŭnu — 51 dabł-dabł zapar u siezonie-1978/1979.
Taksama litoviec nabraŭ u matčy 11 bałaŭ. Heta jaho 25-y trypł-dabł u siezonie-2023/24. Sabonis staŭ piatym baskietbalistam u historyi NBA, jakomu ŭdałosia aformić 25 trypł-dabłaŭ za adzin siezon, adznačaje «Sport-Ekspriess».
Da Sabonisa 25 abo bolš trypł-dabłaŭ za siezon u NBA rabili Oskar Robiertsan, Uiłt Čembierlen, Raseł Uestbruk i Nikoła Jokič.
Damantas Sabonis — syn lehiendarnaha litoŭskaha baskietbalista i hulca zbornaj SSSR Arvidasa Sabonisa.
Damantas naradziŭsia ŭ ZŠA ŭ 1996 hodzie, dzie hulaŭ jaho baćka. Syn hulaŭ za «Akłachomu», «Indyjanu Pejserz» (2017—2022), z 2022 hoda hulaje za «Sakramenta Kinhz».
Kamientary