Machlary pierakanali 83-hadovuju žančynu pieravieści im hrošy, bo «kupiury zaražanyja»
Rabotniki banka svoječasova zaŭvažyli złačynnuju schiemu.
U Pieršamajskaje RUUS stalicy źviarnulisia rabotniki banka, jakija vykazali zdahadku, što ich klijentka moža stać achviaraj machlaroŭ, paviedamlaje Milicyja Minska.
Žančyna raniej nieadnarazova prychodziła ŭ adździaleńnie i biespaśpiachova sprabavała pieravieści hrošy praź infakijosk. Žančyna vyhladała ŭschvalavanaj i razhublenaj, nie mahła nazvać poŭnyja źviestki atrymalnika płaciažu, na dadatkovyja pytańni nie adkazvała, i pry hetym uvieś čas razmaŭlała pa telefonie. Pilnyja rabotniki banka patelefanavali ŭ milicyju.
Apieratyŭnikam, što prybyli na miesca, 83-hadovaja piensijanierka raspaviała, što joj na praciahu niekalkich dzion telefanavaŭ nieviadomy. Z dapamohaj psichałahičnaha ŭździejańnia i manipulacyj jon prymusiŭ minčanku źniać 7000 rubloŭ ź piensijnaha ŭkładu. Pierakanaŭšy piensijanierku, što kupiury zaražanyja i ad ich treba pazbavicca, nieznajomiec zapatrabavaŭ pieravieści ich na biaśpiečny rachunak.
Milicyjaniery i rabotniki banka raskazali žančynie, što jana stała achviaraj ašukanskaj schiemy, u vyniku čaho hrošy žančyna nie pieraviała.
Ciapier čytajuć
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy3
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary