Śviet

Vašynhton pačaŭ abmiarkoŭvać abmien Navalnaha na aficera śpiecsłužb Krasikava z padačy Chiłary Klintan

Paplečniki Navalnaha i jahonaja žonka spadziavalisia, što praryŭ u pieramovach zdarycca na sustrečy pradstaŭnikoŭ zachodnich siłavych struktur u Miunchienie, kudy pryjechała ŭ tym liku sama Julija.

Alaksiej Navalny. Fota: Contributor / Getty Images

Były dziaržsakratar ZŠA Chiłary Klintan prałabiravała ŭ Biełym domie mižnarodnyja pieramovy pra abmien Alaksieja Navalnaha, piša «Nastojaŝieje vriemia» sa spasyłkaj na The Wall Street Journal.

Daśledčyk i siabar Navalnaha Chrysta Hrozieŭ paprasiŭ Klintan pra dapamohu z abmienam, i jana, pavodle źviestak haziety, adhuknułasia.

Da niamieckich uładaŭ, jak piša WSJ, nieaficyjna źviartałasia i žonka Navalnaha Julija, ale pieršapačatkova mierkavańni va ŭradzie Niamieččyny padzialilisia: ministr zamiežnych spraŭ Analena Bierbak vystupiła suprać luboj ździełki z udziełam pažyćciova asudžanaha ŭ Niamieččynie zabojcy i aficera rasijskich śpiecsłužbaŭ Vadzima Krasikava.

Nieabchodnaść uklučeńnia Krasikava va ŭhodu WSJ patłumačyła tym, što ŭ Vašynhtona ciapier niama ludziej, jakich Kreml chacieŭ by atrymać u abmien na źniavolenych u Rasii amierykancaŭ.

U sakaviku 2024 hoda kancler Niamieččyny Ołaf Šolc padčas pajezdki ŭ Vašynhton tajemna abmiarkoŭvaŭ mahčymy abmien, adnak kančatkovaja ŭhoda pamiž krainami na momant śmierci Navalnaha nie była ŭkładzienaja, piša WSJ i adznačaje, što aficyjnuju prapanovu Maskvie taksama nie zrabili. Sa słoŭ ludziej, znajomych ź situacyjaj, infarmacyja ab mahčymaj uhodzie dajšła da Kramla praz pryvatnaha pasiarednika.

Paplečniki Navalnaha i jahonaja žonka spadziavalisia, što praryŭ u pieramovach zdarycca na sustrečy pradstaŭnikoŭ zachodnich siłavych struktur u Miunchienie, kudy pryjechała ŭ tym liku sama Julija. Adnak padčas hetaha samitu stała viadoma pra śmierć palityka.

Pavodle viersii FBK, pieramovy ab abmienie Navalnaha, žurnalista The Wall Street Journal Evana Hierškoviča i amierykanskaha marpiecha Poła Uiłana na Krasikava da momantu śmierci rasijskaha palityka znachodzilisia na zaviaršalnaj stadyi. Uładzimir Pucin u sakaviku 2024 hoda skazaŭ, što pahadziŭsia na taki abmien u hutarcy z pryvatnym pasiarednikam, nie ŭdakładniŭšy jaho imia.

Pres-sakratar Pucina Dźmitryj Piaskoŭ paźniej udakładniŭ, što havorka nie išła ab aficyjnych pieramovach.

Pavodle źviestak FBK i niekalkich vydańniaŭ, ab mahčymym abmienie Navalnaha na Krasikava z Pucinym razmaŭlaŭ Raman Abramovič. «Ahienctva» sa spasyłkaj na krynicy śćviardžała, što Pucin abmiarkoŭvaŭ z Abramovičam abmien za niekalki hadzin da śmierci Navalnaha.

WSJ piša, što damahčysia vyzvaleńnia Hierškoviča sprabavaŭ i žurnalist Takier Karłsan, jaki pryjazdžaŭ u Maskvu, kab uziać intervju ŭ Pucina.

Jon raspavioŭ Haziecie, što zahadzia papiaredziŭ pamočnikaŭ rasiejskaha prezidenta, što płanuje akazać cisk na jaho z metaj nieadkładnaha vyzvaleńnia Hierškoviča. Blizki da Pucina čynoŭnik skazaŭ, što heta» vydatnaja ideja « i toj moža pahadzicca. Adnak Pucin u svaim intervju daŭ zrazumieć, što hatovy abmiarkoŭvać abmien Hierškoviča na Krasikava.

Kamientary

Ciapier čytajuć

Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7

Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki

Usie naviny →
Usie naviny

«Ciarpieńnie — najlepšaja zbroja pieramožanych». Konrad Adenaŭer, abo Palityki jakoha typu patrebnyja paśla dyktatury19

Maładoj mamie z Navahrudka dali 6 hadoŭ za karupcyju. Jana dakazała svaju nievinavataść — ale kali ŭžo adsiedzieła6

«Chaciełasia, kab žyćcio pastaviła mianie na miesca». Biełarus prajechaŭ bolš za 250 kiłamietraŭ pa Aŭstryi na rolikach4

Milicyja abviarhaje, što ŭ hibieli katoŭ u Minsku vinavaty skurałup3

U Minsku nieŭzabavie adkryjecca muziej piva1

Tramp uvioŭ dla inšaziemcaŭ «załatuju kartu» za $100 tysiač4

Ministarka abarony Litvy zaklikała źbivać rasijskija źniščalniki15

U centry Skidziela łoś prabraŭsia ŭ dvor i źjeŭ usie bujaki4

Ukrainski futbalist, adchileny ad futbołu z-za dopinhu, źbirajecca paŭdzielničać u budučaj Alimpijadzie ŭ inšaj ipastasi1

bolš čytanych navin
bolš łajkanych navin

Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7

Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki

Hałoŭnaje
Usie naviny →

Zaŭvaha:

 

 

 

 

Zakryć Paviedamić