Z Polščy vyjechaŭ rasijski pasoł, choć jaho nichto nie vydalaŭ i nie adklikaŭ
Pasoł Rasii ŭ Polščy Siarhiej Andrejeŭ vyjechaŭ z Polščy, paviedamiŭ 27 sakavika ŭ Ryzie ministr zamiežnych spraŭ Polščy Radasłaŭ Sikorski. Pry hetym jon nie vysłany polskimi ŭładami i nie adklikany rasijskimi. «Z taho, što ja čuŭ, jon sam pakinuŭ našu terytoryju», — adkazaŭ Sikorski na pytańnie žurnalistaŭ, paviedamlaje RMF FM.
U paniadziełak Andrejeŭ byŭ vyklikany ŭ MZS Polščy ŭ suviazi ź niadzielnym incydentam, kali rasijskaja rakieta, jakaja atakavała cel va Ukrainie, na 39 siekund zalacieła ŭ polskuju pavietranuju prastoru. U toj ža dzień pres-sakratar MZS Pavieł Vroński paviedamiŭ, što ambasadar tak i nie źjaviŭsia ŭ ministerstva.
Rašeńnie rasijskaha dypłamata pryznali biesprecedentnym, a MZS Polščy praz svajho pres-sakratara zajaviŭ, što Varšava «zadajecca pytańniem, ci vykonvaje rasijski dypłamat instrukcyi Maskvy i ci zdolny jon naležnym čynam pradstaŭlać intaresy Rasii ŭ Polščy». Sam Andrejeŭ patłumačyŭ RIA «Novosti», što ličyć vizit u polskaje viedamstva biessensoŭnym, bo Varšava, maŭlaŭ, nie pradstaviła nijakich dokazaŭ taho, što rakieta, jakaja zalacieła ŭ polskuju prastoru, sapraŭdy naležała rasiejcam.
Siońnia ŭ polskim MZS udakładnili, što rasijskaje pasolstva pieradało ministerstvu notu ź infarmacyjaj pra toje, što Andrejeŭ u najbližejšyja dni budzie znachodzicca za miežami Polščy.
Stała viadomaja asoba rabočaha «Biełaruśkalija», jaki zahinuŭ pry abrušeńni hornaj parody1
Kamientary