Situacyja jašče moža značna pahoršycca. Izrail paabiacaŭ «surjozny adkaz» na načnuju rakietnuju ataku Irana. Ale ŭ jakoj formie heta adbudziecca? Izrailskaja armija i vajenny kabiniet abmiarkoŭvajuć mienavita hetaje pytańnie.
Jak piša BBC, što najbolš vierahodnymi celami buduć iranskija bazy, ź jakich byli zapuščanyja hetyja rakiety.
Ale Izrail całkam moža pajści dalej i nanieści ŭdary pa bujnych iranskich vajskovych bazach i navučalnych centrach Korpusa vartavych isłamskaj revalucyi pa ŭsioj krainie, što vykliča čałaviečyja achviary i naniasie materyjalnyja straty.
Tady Iran, niesumnienna, adkaža, jak jon i paabiacaŭ.
Takim čynam, my ciapier znachodzimsia na «siaredniaj prystupcy» vielmi niebiaśpiečnaj leśvicy eskałacyi.
Urady krain Blizkaha Uschodu buduć zataiŭšy dychańnie čakać, nakolki maštabnym i žorstkim budzie abiacany adkaz Izraila.
Izrail užo zajaviŭ pra «ŭdar u adkaz» pa terytoryi Livana.
Pa danych izrailskaj armii, udar pryjšoŭsia pa bujnym vytvorčym abjekcie «Chiezbały».
U noč na 14 krasavika ruch «Chiezbała» dałučyŭsia da ataki Irana na Izrail.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?4
Kamientary