Žonka najlepšaha futbalista śvietu — 2007 raźviałasia ź im, bo jon byŭ zanadta idealny
Byłaja žonka najlepšaha futbalista śvietu 2007 hoda, hulca italjanskaha «Miłana» i ispanskaha «Reała» brazilca Kaka zajaviła, što raźviałasia ź im, bo jon byŭ «zanadta idealnym». Toj nie pakinuŭ hetaha vykazvańnia biez kamientara.
Byłaja žonka Kaka Karalina Sieliku skazała pra byłoha muža: «Jon nikoli nie zdradžvaŭ mnie, jon zaŭsiody dobra da mianie staviŭsia, jon padaryŭ mnie vydatnuju siamju, ale ja nie była ščaślivaja, čahości nie chapała».
Brazilec adreahavaŭ na jaje słovy i daŭ pa ich razhornuty kamientar.
«U 2015 hodzie ja byŭ žanaty, i maja žonka ŭ toj čas vyrašyła, što bolš nie choča być zamužam. Jana skazała mnie: «Ja nieščaślivaja i źviazvaju heta z šlubam».
Ja byŭ za miažoj, žyŭ u Złučanych Štatach, i jana paprasiła dazvołu viarnucca ŭ Braziliju, jaje słovy byli takimi: «Ja chaču viarnucca ŭ Braziliju, ja chaču tam žyć i ja bolš nie chaču być zamužam».
Paśla ja pračytaŭ knihu pad nazvaj «Vohnietryvały», heta vydatnaja kniha i ja rekamienduju jaje ŭsim, u kaho jość prablemy ŭ šlubie. Ja zrabiŭ usio, kab razvodu nie adbyłosia, tamu što dla chryścijanina tut uźnikaje kanflikt: nas vučać, što chryścijanin nie pavinien ažanicca, kab potym raźvieścisia. Tamu ja skazaŭ, što budu zmahacca, pakul mnie chapaje sił.
Ale nastaŭ momant, kali jana nastajała na svaim i skazała: «Ja nie chaču praciahvać, ja prosta nie chaču». A potym jana viarnułasia ŭ Braziliju, padpisała dakumienty pra razvod, i my raźvialisia ŭ śniežni 2015 hoda.
Na hetym historyja zakančvajecca. U nas dvoje vydatnych dziaciej, Łuka i Izabeła. Ja zastavaŭsia chałaściakom ciaham hoda, sprabujučy ŭśviadomić situacyju i pieratravić jaje jak chryścijanin, razmaŭlajučy z pastarami, tamu što Biblija kaža, što razvodzicca nielha.
Ale ja zrazumieŭ, što kali ty chryścijanin, ty šukaješ Boha i chočaš zachavać adnosiny, ale tvoj suženiec hetaha nie choča, vy kažacie: «Amin», — i razychodziciesia ź miram. Ty nie pavinien farsiravać padziei, ty nie možaš prymusić kaho-niebudź zastacca z taboj», — skazaŭ Kaka.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik52
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu1818
Kamientary