Cieła Natalli Lavončyk znajšli ŭ kielli, adkul jana nie vychodziła dva dni, piša Katolik.life. Pryčynu śmierci, pa słovach viernikaŭ, vyznačyć pakul nie zmahli.
Pad Homielem prajšło pachavańnie pravasłaŭnaj manachini Nadziei. Joj było 47 hadoŭ.
Nadzieja (u śviecie — Natalla Lavončyk) žyła ŭ Śviata-Cichvinskim žanočym manastyry ŭ Homieli bolš za 20 hadoŭ. Manastyr paviedamiŭ pra jaje śmierć 14 krasavika.
Žančyna pamierła prama ŭ manastyry, u svajoj kielli, jak stała viadoma Katolik.life ad viernikaŭ. Pa ich słovach, Nadzieja dva dni nie vychodziła z kielli. Pa źbiehu abstavin, hetaha nichto nie zaŭvažyŭ, pakul adna z manachiniaŭ nie zazirnuła ŭ akno i nie ŭbačyła, što Nadzieja lažyć biez ruchu.
«Chutkaja dapamoha» kanstatavała śmierć, adnak jaje pryčynu pakul vyznačyć nie ŭdałosia — prynamsi na momant pachavańnia. Jak śćviardžajuć surazmoŭcy, miedyki nie vyjavili ŭ žančyny prykmiet insultu, infarktu, adarvanaha tromba albo inšaj raspaŭsiudžanaj pryčyny śmierci. Idzie rasśledavańnie incydentu.
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka34
Kamientary