Pieraabraŭšysia, Uładzimir Pucin viarnuŭsia da ładu žyćcia, jaki vioŭ da pačatku vybarčaj kampanii. Jon znoŭ redka pakidaje Kreml i svaje rezidencyi. Za apošnija dva tydni ŭ hrafiku palityka nie było nivodnaha vyjaznoha mierapryjemstva, śviedčyć analiz «Ahienctva».
Žurnalisty praanalizavali publikacyi na sajcie Kramla ab mierapryjemstvach z udziełam Pucina za miežami Kramla i rezidencyi ŭ Nova-Aharova z pačatku vybarčaj kampanii prezidenta (8 śniežnia 2023) da 20 krasavika 2024. Usiaho za čas kampanii Kreml paviedamiŭ ab 100 vyjaznych mierapryjemstvach z udziełam Pucina.
31 mierapryjemstva za miežami Kramla i prezidenckich rezidencyj prajšli ŭ apošni pieradvybarčy miesiac, z 17 lutaha pa 17 sakavika. Za hety čas Pucin paśpieŭ naviedać Čalabinskuju vobłaść, Tatarstan, Staŭrapolski i Krasnadarski kraj, a taksama źviarnucca z pasłańniem da Fiederalnamu schodu ŭ Haścinym dvary ŭ Maskvie.
U apošni tydzień pierad vybarami (11-17 sakavika) Pucin nie vyjazdžaŭ za miežy Kramla ci Nova-Aharova.
Paśla vybaraŭ kolkaść pajezdak značna skaraciłasia. Za miesiac z 17 sakavika pa 17 krasavika paviedamlałasia tolki ab 10 mierapryjemstvach za miežami Kramla i rezidencyj, adno ź ich — kancert u honar aneksii Kryma, jaki prajšoŭ na nastupny dzień paśla vybaraŭ. Tolki adzin raz za miesiac prezident pakidaŭ miežy Maskoŭskaha rehijona: 27 sakavika Pucin źjeździŭ u Taržok.
A voś za apošnija dva tydni nivodnaj pajezdki ŭ Pucina nie było. Usie mierapryjemstvy ź jaho ŭdziełam prachodzili ŭ Kramli abo Nova-Aharova.
U apošni hod pierad vybarami Pucin taksama skaračaŭ svaje pajezdki da minimumu. U 2023 hodzie jon pravioŭ na ludziach usiaho 147 dzion, heta značyć kala 5 miesiacaŭ z 12. U astatni čas jon nie vyjazdžaŭ za miežy svaich rezidencyj, a na sustrečy da jaho nie zaprašali ni žurnalistaŭ, ni kaho-niebudź, akramia nabližanych čynoŭnikaŭ i łajalnych palitykaŭ.
-
Bieły dom ab patrabavańni viarnuć statuju Svabody: Tolki dziakujučy ZŠA francuzy ciapier nie razmaŭlajuć pa-niamiecku
-
«U razmovach z Trampam Pucin nasamreč kpiŭ ź jaho, ale Tramp hetaha nie razumieŭ z-za asablivaściej pierakładu»
-
«Erudziravany nie značyć razumny». Znatok «Što? Dzie? Kali» Raŭšan Askieraŭ vyklikaŭ zamiašańnie svaim intervju
Ciapier čytajuć
Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»12
Kamientary