U Breście pamior architektar, restaŭratar, krajaznaŭca Mikałaj Ułasiuk-starejšy. Jamu było 65 hadoŭ. Sumnuju navinu paviedamiŭ jaho siabar, piša «Jeŭraradyjo».
Mikałaj Ułasiuk, pracujučy vykładčykam u Bresckim dziaržaŭnym technałahičnym univiersitecie, vyhadavaŭ u Breście nie adno pakaleńnie architektaraŭ-restaŭrataraŭ, i jaho lubili studenty. Jahony syn, Mikałaj Ułasiuk — ciapier hałoŭny architektar Bresta.
Ułasiuk-starejšy ŭ žyćci ŭparta trymaŭsia svajho paklikańnia i całkam addaŭ siabie praktycy — pracavaŭ u kampanii «Brestrestaŭracyjaprajekt» sa dnia zasnavańnia.
Akramia taho, Mikałaj Ułasiuk daśledavaŭ architekturnuju historyju Bresta, vydavaŭ knihi, u volny čas pravodziŭ amatarskija ekskursii pa Tryšynskich mohiłkach. Jon pracavaŭ nad tym, kab hetamu niekropalu nadali status historyka-kulturnaj kaštoŭnaści, i dabiŭsia taho: mohiłki ŭnieśli ŭ adpaviedny śpis u 2016-m.
U kancy 2023 hoda Ułasiuk raskazvaŭ, što čarhovaja jaho kniha pryśviačajecca mienavita Tryšynu. Ci paśpieŭ jon jaje skončyć — infarmacyi pakul niama.
Biełaruskaha Siniuju Baradu adpuścili z rasijskaj turmy pamirać doma6
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary