Sud adkazaŭ na pytańnie, ci možna ŭ kinateatr sa svaim papkornam
Dziaciej nie puścili ŭ zału z papkornam i haziroŭkaj, nabytymi nie ŭ bary kinateatra. Heta byŭ dzień narodzinaŭ dački mužčyny, jaki i nabyŭ z hetaj nahody kvitki i papkorn dačce i jaje siabram. Dzieciam daviałosia pakinuć prysmaki, a mužčynie kupić novyja, kab patrapić na sieans. Baćka padaŭ na kinateatr u sud.
Mužčyna paličyŭ, što jaho pravy spažyŭca byli parušanyja, a akramia taho, jon adčuŭ maralnyja pakuty — pačućcio prynižeńnia, z-za čaho ŭ jaho pavysiŭsia arteryjalny cisk i jamu daviałosia prymać leki. Jon zapatrabavaŭ kampiensacyju maralnaj škody ŭ pamiery 2000 rubloŭ.
Sud vyvučyŭ praviły kinazały i vyśvietliŭ, što hledačam sapraŭdy dazvoleny ŭvachod u kinazału z praduktami charčavańnia, adnak vyklučna z tymi, jakija nabyty ŭ punkcie hramadskaha charčavańnia kinateatra.
Ale pry hetym u praviłach ukazany i vyčarpalny pieralik padstaŭ, pa jakich hledačy nie dapuskajucca ŭ kinazału: haziroŭka i papkorn, jakija byli nabyty ŭ inšym miescy, u hety śpis padstaŭ nie ŭvachodziać.
Pry hetym sud paličyŭ patrabavańni mužčyny zavyšanymi. U vyniku SkyLine pavinien vypłacić mužčynu 100 rubloŭ u jakaści kampiensacyi maralnaj škody, a dziaržavie — pošlinu ŭ pamiery 111 rubloŭ.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary
Humannyj sud. Słov niet