U Hruzii špitalizavali 8 pratestoŭcaŭ suprać zakona ab inšahientach
Ź viečara 1 maja da 5 hadzin ranicy 2 maja praciahvalisia akcyi pratestu ŭ Hruzii ŭ suviazi z pryniaćciem u hruzinskim parłamiencie zakona ab inšahientach u druhim čytańni. Dziasiatki tysiač čałaviek patrabavali adklikać zakon, jaki prazvali «ruskim».
U hruzinskim parłamiencie z 23:00 1 maja byŭ zadziejničany čyrvony ŭzrovień biaśpieki. Usie, akramia vyznačanych asob, abaviazany byli pakinuć budynak parłamienta.
Da hetaha ŭ parłamiencie dziejničaŭ žoŭty ŭzrovień biaśpieki, u suviazi z čym na razhlad rezanansnaha zakonaprajekta «ab prazrystaści zamiežnaha ŭpłyvu» nie zmahli trapić supracoŭniki internet-vydańniaŭ i drukavanych ŚMI. U parłamient prapuskali tolki zdymačnyja hrupy telekanałaŭ.
Śpiecnaz zadziejničaŭ vadamioty i ślozatačyvy haz u dačynieńni da demanstrantaŭ kala słužbovych uvachodaŭ u budynak.
ŚMI raspaŭsiudžvali kadry paciarpiełych, mierkavana, ad humovych kul, u tym liku adnaho z pratestoŭcaŭ, jaki atrymaŭ surjoznuju traŭmu voka. Miž tym MUS vykarystańnie humovych kul admaŭlaje.
Ministerstva achovy zdaroŭja Hruzii paviedamiła ab špitalizacyi vaśmi paciarpiełych udzielnikaŭ akcyi suprać zakona ab inšahientach.
Parłamient Hruzii pryniaŭ zakonaprajekt ab «zamiežnych ahientach» u druhim čytańni, pratesty praciahvajucca
U Hruzii palicyja ŭžyła ślozatačyvy haz i vadamioty na mitynhu suprać zakona ab zamiežnych ahientach
Jeŭrapoł zatrymaŭ hrupu hruzinaŭ, jakija krali knihi ruskich piśmieńnikaŭ ź jeŭrapiejskich biblijatek
Kancert Maksa Karža pačaŭsia z zatrymkaj na dźvie hadziny. «Biełaruś top!» — kryčać i jon, i fanaty9
Kamientary