Praŭładny sajuz žurnalistaŭ razdaŭ uznaharody.
Prapahandyst Andrej Mukavozčyk, jaki viadzie kałonku ŭ haziecie Administracyi Łukašenki «SB — Biełaruś siehodnia», znoŭ atrymaŭ uznaharodu «Załatoje piaro» — jaje ŭručaje praŭładny Sajuz žurnalistaŭ.
Byłoha kiraŭnika biełaruskaha KVZ uznaharodzili za «najlepšuju rabotu ŭ mastacka-publicystyčnych žanrach», razam ź im premiju atrymała jaho kaleha pa «SB» Iryna Aŭsiepjan.
Mukavozčyk da hetaha atrymlivaŭ «Załatoje piaro» jak minimum dvojčy — u 2017-m, kali jon jašče nie nabyŭ sumnuju słavu adnaho z samych adyjoznych prapahandystaŭ, i ŭ 2020-m.
U cełym, bolšaść uznaharod tradycyjna sabrali prapahandysty z Vydavieckaha doma «Biełaruś siehodnia». Naprykład, «Załatyja piory» atrymali Dźmitryj Krat i Juryj Cierach — jany ŭznaharodžanyja za rubryku «Niejrakomiks». Heta komiksy, u jakich zvyčajna ŭtrymlivajucca siužety z abrazaj na adras biełaruskaha demakratyčnaha ruchu, Ukrainy i zachodnich palitykaŭ.
Uznaharodu za «hramadzianskuju pazicyju žurnalista» atrymaŭ hałoŭny redaktar «Sielskoj haziety» Siarhiej Michovič — u zahałoŭkach praktyčna kožnaha materyjału hetaha aŭtara zhadvajecca Łukašenka.
Za «raspracoŭku aktualnych prablem hramadska-palityčnaha žyćcia» «Załatoje piaro» atrymaŭ jašče adzin aŭtar «SB» Raman Rudź. Siarod «aktualnych prablem», jakija jon vyvučaje — «zaniapad achovy zdaroŭja i adukacyi na Zachadzie», karupcyja ŭ Polščy i «vajaŭničaść Čechii».
«Strašna toje, što jany robiać u ramkach Sajuznaj dziaržavy». Suprać Bondaravaj i jaje kamandy vystupiŭ navat Mukavozčyk
Mukavozčyk: Kali HUBAZiK zatrymaje mianie za padpisku na Matolku, absalutna budzie mieć racyju
Mukavozčyk: Pahoniu para ŭ ich zabirać, jana pavinna być naša
Mukavozčyk uznačaliŭ siekcyju publicystyki Sajuza piśmieńnikaŭ
Komik Tankovič — pra Mukavozčyka, Hałyhina i pracu ŭ NEXTA
Kamientary