Mukavozčyk uznačaliŭ siekcyju publicystyki Sajuza piśmieńnikaŭ
A Ihar Marzaluk atrymaŭ členski bilet.
Staršynia praŭładnaha Sajuza piśmieńnikaŭ Biełarusi Aleś Karlukievič raskazaŭ śviežyja naviny svajoj arhanizacyi i pachvaliŭ vybitnych členaŭ arhanizacyi — prapahandystaŭ Andreja Mukavozčyka i Ludmiłu Hładkuju, a taksama deputata Ihara Marzaluka.
«I ŭsio ž pra publicystyku. Za apošnija niekalki hadoŭ u SPB uvajšoŭ šerah kaleh, jakija pracujuć u hramadska-palityčnym druku, u hazietach «SB. Biełaruś siehodnia», «Źviazda». U hetym — adznaka času.
Andrej Mukavozčyk
My paprasili ŭznačalić siekcyju publicystyki SPB viadomaha ŭsim aŭtara Andreja Mukavozčyka. Za try minułyja hady jon vydaŭ ładny stos knih. Spadziajomsia na novyja prajekty, jakija — apieratyŭny vodhuk na toje, što adbyvajecca vakoł, analiz pazicyi i tvorčaj intelihiencyi.
Zbornik narysaŭ dla adnaho ź dziaržaŭnych vydaviectvaŭ ukłała Ludmiła Hładkaja — śmiełaja žurnalistka, śmiełaja žančyna, jakaja pabyvała i ŭ haračych kropkach, jak kažuć, na linii ahniu. I, mahčyma, dadaść novaje razumieńnie tamu, što adbyvajecca ŭ śviecie, šmat kamu, chto zahłybiŭsia ŭ paetyčny razhlad adno tolki pryrodnych źjaŭ.
Šmat u halinie histaryčnaj publicystyki robiać sacyjołah, palityčny ekśpiert Siarhiej Musijenka, doktar histaryčnych navuk, viadomy palityk, nieraŭnadušny da biełaruskaj historyi čałaviek Ihar Marzaluk. My ŭdziačny Iharu Alaksandraviču, što niadaŭna jon staŭ siabram našaj piśmieńnickaj arhanizacyi.
Členski bilet my jamu ŭručyli na mižnarodnym simpoziumie litarataraŭ «Piśmieńnik i čas», jaki pravodzicca Ministerstvam infarmacyi pry padtrymcy Sajuza piśmieńnikaŭ Biełarusi nie pieršy hod. Sioleta jon prachodziŭ u Biełaruskim dziaržaŭnym univiersitecie.
Ciapier čytajuć
Były palitviazień znajšoŭ u Vilni padpracoŭku ŭ čacie — i trapiŭ pad kryminałku za pravakacyi suprać Ukrainy19
Kamientary