Minčanka vyhulvała źmiaju prosta ŭ dvary: «Spačatku, viadoma, siekundny šok, ale potym usie iduć jaho ciskać»
U instahramie zavirusiłasia videa, źniataje ŭ adnym z dvaroŭ na staličnaj vulicy Niakrasava: na im dziaŭčyna vyhulvaje vialikaha ŭdava.
Źmiaja spakojna sabie hrejecca na travie, ale jak tolki źlohku vysoŭvajecca na tratuar, dziaŭčyna akuratna adsoŭvaje jaje nahoj nazad. Usia hetaja karcina vyhladaje nastolki štodzionna, što ŭ sacsietkach navat asabliva nie dziviacca.
«Narmalna, chaj Pupsik pahulaje. Nie dumaju, što imkliva na kahości nakiniecca, jak sabaka biez namordnika», — pišuć u kamientarach.
Haspadyniaj udava apynułasia minčanka Alaksandra Saroka. Jana raspaviała Onlíner, što hadavanca kličuć Sem i žyvie jon u jaje dosyć daŭno — 10 hadoŭ. Hulać źmiaja vielmi lubić: dziaŭčyna vynosić Sema ŭ dvor u ciopły čas hoda, kali horača i ziamla prahreta — zvyčajna ŭ abied ci pa viečarach.
Viadoma, hałoŭnaje pytańnie: jak reahujuć minaki? Alaksandra kaža, što ŭdava ŭsie vielmi lubiać.
«Mamy ź dziećmi padychodziać, z sabakami taksama padychodziać. Usie prosiać pahładzić i sfatahrafavać. Spačatku, viadoma, siekundny šok, ale potym usie iduć jaho ciskać. Jon u mianie dabrak, usio žyćcio raście z žyviołami, da ŭsich stavicca niejtralna».
Vidać, zamiest palavańnia Sem sapraŭdy abiraje rassłableny adpačynak. Dziaŭčyna padzialiłasia jašče adnym videa z dnia ŭžo znakamitaj prahułki: na im udava samoha ledź nie pryjšłosia ratavać ad varony.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»8
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary
Udaŭ pavinien žyć tam, dzie jon i pavinien žyć: u džunhlach.
Kropka.