Za krasavik pa palityčnych kryminałkach asudzili nie mienš za 161 čałavieka
Realnaja ličba moža być našmat vyšejšaja.
Pravaabaroncy «Viasny» ŭ krasaviku fiksavali šmatlikija palityčna matyvavanyja kryminalnyja spravy.
Pavodle papiarednich źviestak, kolkaść asudžanych za miesiac skłała minimum 161 čałaviek, ź jakich 50 składajuć žančyny, 111 — mužčyny.
U dačynieńni da adnaho abvinavačanaha — Alaksandra Kuliniča — sudovy praces nie adbyŭsia ŭ suviazi ź jaho śmierciu ŭ bresckim SIZA za tydzień da pačatku pasiadžeńnia.
Heta tolki spravy viadomyja pravaabaroncam. Realnaja ličba moža być našmat vyšejšaja.
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy sa źviestak z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhravaŭ Śviatłanie Cichanoŭskaj, ale nie addaŭ ułady.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ. U listapadzie 2023 hoda hienieralny prakuror Andrej Švied zajaŭlaŭ pra zaviadzieńnie 16 tysiač palityčnych kryminalnych spraŭ. Kala 200 tysiač čałaviek vymušanyja byli pakinuć Biełaruś, ratujučysia ad represij. Sotni tysiač ludziej zaznali administratyŭny pieraśled abo byli zvolnienyja pa palityčnych matyvach.
«Naša Niva» — bastyjon biełaruščyny
PADTRYMAĆ
Kamientary