Hramadstva2020

Azaraŭ admoviŭsia zdymacca z vybarčaj honki ŭ Kaardynacyjnuju radu

Kamanda «Zakon i pravaparadak», što bałatujecca na vybarach u Kaardynacyjnuju radu, siońnia ranicaj apublikavała adkaz na prapanovu vybarčaj kamisii ab źniaćci z vybaraŭ kiraŭnika błoku. Učora ŭ advarotnym vypadku vybarčaja kamisija pryhraziła źniaćciem usiaho błoku «Zakon i pravaparadak» z vybaraŭ.

Fota: telehram-kanał «Bajpoła»

«Rašeńnie kamisii pa svaim źmieście źjaŭlajecca ŭltymatumam, vystaŭlenym lidaru vybarčaha śpisu. Taki ŭltymatum stavić u zaležnaść ad rašeńnia lidara vybarčaha śpisu realizacyju prava i mahčymaści astatnich udzielnikaŭ śpisu być abranymi, što vidavočna nie adpaviadaje standartam demakratyčnych vybaraŭ.

U adpaviednaści z padpunktam 8.2. Pałažeńni ab vybarach u Kaardynacyjnuju Radu vybarčyja subjekty i kandydaty volnyja ŭ vybary srodkaŭ i mietadaŭ viadzieńnia vybarčaj kampanii z ulikam ahulnapryznanych pryncypaŭ pravoŭ čałavieka i standartaŭ demakratyčnych vybaraŭ.

Svabodny abmien infarmacyjaj pamiž vybarščykami i kandydatami źjaŭlajecca nieadjemnaj častkaj sapraŭdnych vybaraŭ. Pry hetym standartami demakratyčnych vybaraŭ majecca na ŭvazie prava ŭsich, u tym liku kandydataŭ i ich prychilnikaŭ, na pošuk, atrymańnie i pieradaču mierkavańniaŭ lubymi sposabami na ich mierkavańnie.

Čat-bot płana Pieramoha, jaki źjaŭlajecca srodkam kamunikacyi ź biełarusami, byŭ abrany ŭ tym liku i ŭ jakaści srodku viadzieńnia vybarčaj kampanii.

Pałažeńnie ab vybarach u KR nie praduhledžvaje vydaleńnie vybarčaha subjekta z pryčyny rassyłańnia čat-bota płana Pieramoha i nievykanańnie praviłaŭ biaśpieki vybarščykaŭ.

Siabry vybarčaj kamisii nie rastłumačyli, u adpaviednaści ź jakimi praviłami jany pryniali takoje rašeńnie, jakija kankretna praviły parušyŭ Azaraŭ, u čym zaklučajecca heta parušeńnie i nie padali nijakaha jurydyčnaha abhruntavańnia. Rašeńnie było pryniata na emocyjach u adpaviednaści z asabistym mierkavańniem i pretenzijami da Alaksandra Azarava», — zaznačaje kamanda «Zakon i pravaparadak» i zaklikaje kamisiju adkinuć emocyi i pryniać rašeńnie ŭ adpaviednaści z ustanoŭlenymi praviłami ab praciahu vybarčaj kampanii Śpisu №5.

Kamientary20

  • Hladač
    24.05.2024
    "Siabry vybarčaj kamisii nie rastłumačyli, u adpaviednaści ź jakimi praviłami jany pryniali takoje rašeńnie, jakija kankretna praviły parušyŭ Azaraŭ, u čym zaklučajecca heta parušeńnie i nie padali nijakaha jurydyčnaha abhruntavańnia".

    Chłuśnia. Hladzieŭ pramy efir. Staršynia kamisii niekalki razoŭ rastłumačyła, u adpaviednaści ź jakimi praviłami pryniaiaje takoje rašeńnie, jakija kankretna praviły parušyŭ Azaraŭ, začytała ich usłych, rastłumačyła jasna i kankretna, u čym zaklučajecca heta parušeńnie.
  • Biahucha-Elekt
    24.05.2024
    Azaraŭ - heta naš Pryhožyn, jon pajdzie maršam na Vilniu i skinie Lidarku! Padtrymajem našaha advažnaha hieroja!
  • Zafiksujem fakt
    24.05.2024
    Zafiksujem fakt: usia kamanda Azarava padtrymlivaje rassyłku praz čat-bot Płana Pieramoha.
    Usia kamanda Azarava ličyć, što čat-bot płana Pieramoha možna vykarystoŭvać u jakaści srodku viadzieńnia vybarčaj kampanii.

Ciapier čytajuć

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu10

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu

Usie naviny →
Usie naviny

Novy premjer Kanady nazvaŭ zajavy Trampa «varjactvam»

Vajaroŭ biełaruskaha bataljona «Vołat» prymusova pieravodziać u inšyja padraździaleńni18

Łukašenka: Nijakaj vajny ź Jeŭropaj Pucin nie płanuje. Kali b płanavaŭ — ja b dakładna viedaŭ13

Zialenski: Kurskaja apieracyja vykanała svajo zadańnie4

Praz try miesiacy paśla vyzvaleńnia z navapołackaj kałonii pamior były palitviazień. Jamu było 485

Biełaruski fiermier pakazaŭ, jak trymieram rychtuje kłubnicy da siezonu — miljony prahladaŭ

U AirPods płanujuć dadać sinchronny pierakład razmovy

Łukašenka pra Zialenskaha: Vałodzia jak syn mnie byŭ, ale pastupiŭ jak hnida32

Hienštab USU abvierh zajavu Trampa ab «akružeńni ŭkrainskich vojskaŭ»2

bolš čytanych navin
bolš łajkanych navin

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu10

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu

Hałoŭnaje
Usie naviny →

Zaŭvaha:

 

 

 

 

Zakryć Paviedamić