Biełarusam u Biełarusi prychodziać dziŭnyja spasyłki z zaklikam prahałasavać na vybarach u KR
Karystalnikam u Biełarusi prychodziać padazronyja spasyłki z zaklikam uziać udzieł u hałasavańni na vybarach u Kaardynacyjnuju radu (KR) treciaha składu. Pra heta paviedamlaje staršynia Vybarčaj kamisii Alena Prychodźka.
«Kali łaska, nie karystajciesia nijakimi spasyłkami, jakija vam dasyłajuć u choć by jakich čatach, telehram-kanałach albo pryvatnyja asoby, — papiaredziła jana. — Karystajciesia tolki aficyjnymi spasyłkami na sajcie Kaardynacyjnaj rady albo ŭ aficyjnym telehram-kanale Kaardynacyjnaj rady. Jašče raz zaklikaju vas, kali łaska, dbajcie pra vašuju biaśpieku».
Pavodle Prychodźki, kamisija KR atrymlivaje paviedamleńni, što ŭ Biełarusi pa biełaruskich čatach rassyłajucca spasyłki z zaklikam hałasavać.
«Vybarčaja kamisija i Kaardynacyjnaja rada nie majuć nijakaha dačynieńnia da hetych spasyłak. My nie zajmajemsia nijakaj rassyłkaj, jak joj nie zajmajecca nichto z vybarčych subjektaŭ», — padkreśliła Alena Prychodźka.
Vybary ŭ KR pačalisia apoŭnačy 25 maja i, zhodna ź pieršapačatkovym płanam, musiać zaviaršycca a 23:59 27 maja.
Cichanoŭskaja: Vybary ŭ KR — heta pieršaja sproba arhanizavać niezaležny vybarčy praces, čaho biełarusy byli pazbaŭlenyja dziesiacihodździami
Vyhladaje, što zboi ŭ pracy internetu ŭ Biełarusi źviazanyja z pačatkam anłajn-hałasavańnia na vybarach u Kaardynacyjnuju radu
Mahutnuju načnuju DDoS-ataku padčas vybaraŭ u Kaardynacyjnuju radu paśpiachova adbili
U pieršyja chviliny vybaraŭ u KR sajt z hałasavańniem zaznaŭ ataku — «prahałasavali» bolš za 17 miljonaŭ čałaviek
Błok Azarava źniali z vybaraŭ u Kaardynacyjnuju radu
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu16
Kamientary