6 kastryčnika 1876 hoda ŭ majontku kala Astašyna pad Navahrudkam naradziŭsia vybitny fatohraf Jan Bułhak. Dziakujučy jaho fota i krajaznaŭčym narysami my možam ujavić, jak vyhladaŭ naš kraj raniej.
Jan Bułhak pieršyja zdymki zrabiŭ u 1905 hodzie. Užo ŭ 1908‑m jon adkryŭ ułasnuju fotałabaratoryju i atrymaŭ hałoŭnuju ŭznaharodu na fotakonkursie.
Biełaruś stała adnoj z asnoŭnych tem jaho rańniaj tvorčaści. Bułhak zdymaŭ Navahrudak, Mir, Niaśviž, Śviciaź, Vilejku, biełaruskija vioski, sialan i krajavidy.
U 1911 hodzie Bułhak pravioŭ vystavu ŭ Minsku, a nieŭzabavie pierajechaŭ u Vilniu, dzie staŭ haradskim fatohrafam. Jon sistemna dakumientavaŭ architekturu horada i da 1915 hoda zrabiŭ bolš za 800 zdymkaŭ. Šaścitomny albom «Litva ŭ zdymkach Jana Bułhaka» ŭklučaŭ bolš za 270 fatahrafij, u tym liku zroblenych na terytoryi sučasnaj Biełarusi.
Paśla vajny Bułhak staŭ adnym z zasnavalnikaŭ Sajuza polskich fotamastakoŭ i dakumientavaŭ razburanuju Varšavu.
Bolšaja častka jaho archiva — kala 10 tysiač zdymkaŭ — zhareła ŭ Vilni ŭ 1944 hodzie.
Zachavanyja pracy siońnia znachodziacca ŭ zborach Biełarusi, Litvy i Polščy. Jany majuć nie tolki mastackuju, ale i dakumientalnuju kaštoŭnaść: dziakujučy Bułhaku možna ŭbačyć, jak vyhladali biełaruskija harady, miastečki, vioski i ich žychary bolš za stahodździe tamu.
Kamientary