Tramp dapuściŭ źniščeńnie dvuch bujnych haradoŭ ZŠA padčas vajny ź Iranam
«Niachaj źniščać Łos-Andželes. Niachaj źniščać San-Dyjeha», — skazaŭ prezident ZŠA.
Donald Tramp dapuściŭ źniščeńnie Łos-Andželesa i San-Dyjeha ŭ kantekście vajny ź Iranam. Pra heta amierykanski lidar zajaviŭ na mitynhu ŭ Hrand-Ajlendzie, štat Niebraska, dzie vystupaŭ u padtrymku sienatara-respublikanca Pita Rykietsa, piša Mediaite.
Havoračy pra rost koštaŭ na bienzin z-za vajny ź Iranam, prezident nazvaŭ ich nievialikaj płataj za biaśpieku ZŠA i śvietu.
«I jašče raz, pamiatajcie: u suviazi z vajnoj heta ŭsio štučnaje, — skazaŭ jon udzielnikam mitynhu. — Ceny krychu vyšejšyja. Heta nievialikaja płata za toje, kab zachoŭvać biaśpieku ŭ śviecie i biaśpieku našaj krainy.
Jany mohuć źniščyć horad. Niachaj źniščać Łos-Andželes. Niachaj źniščać San-Dyjeha. Heta vielmi małaja cana, i ŭsio heta vielmi chutka skončycca. Pa sutnaści, usio ŭžo amal skončyłasia.
A moža, jany buduć praciahvać krychu daŭžej. Viedajecie, jany zaŭsiody kažuć: «U ich vysoki paroh bolu». Im heta treba, paviercie mnie. Ale ŭsio skončycca vielmi chutka. I skončycca tak ci inakš. A vaš haz, bienzin i ŭsio astatniaje…»
Kali Tramp skazaŭ: «Niachaj źniščać Łos-Andželes abo San-Dyjeha», — natoŭp plaskaŭ u ładki i vitaŭ hetyja słovy.
Niezrazumieła, ci prezident ujaŭlaŭ scenar, pry jakim hetyja dva harady ŭžo byli źniščanyja, ci prapanoŭvaŭ dapuścić ich źniščeńnie.
«Nie zabyvajcie, my ŭzialisia za krainu pad nazvaj Vieniesueła, — praciahnuŭ jon. — Pra Vieniesuełu jany nikoli nie kažuć. My atrymlivajem sotni miljonaŭ barelaŭ nafty. My zapaŭniajem krainu naftaj u takich abjomach, jakich nichto nikoli nie bačyŭ».
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy10
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
Pačynać z "Tam spravy na paru dzion"
I pacichu padvodzić da " Nu stracim paru haradoŭ, što tut takoha?"
"u rečyščy" :
u adpaviednaści ź jakim-niebudź kirunkam, u farmacie ci miežach tradycyi, teoryi