Siońnia, 27 maja, aficyjnaja parłamienckaja delehacyja na čale sa staršynioj Savieta Respubliki Natallaj Kačanavaj nakirujecca ź vizitam u Kitajskuju Narodnuju Respubliku.
U skład delehacyi taksama ŭvajšli: namieśnik staršyni Pałaty pradstaŭnikoŭ Vadzim Ipataŭ, staršynia pastajannaj kamisii Savieta Respubliki pa mižnarodnych spravach i nacyjanalnaj biaśpiecy Siarhiej Siviec, staršynia pastajannaj kamisii Savieta Respubliki pa adukacyi, navucy, kultury i sacyjalnym raźvićci Ihar Łucki, ministr achovy zdaroŭja Alaksandr Chadžajeŭ, staršynia kancerna «Biellehpram» Taćciana Łuhina.
Zhodna z pahadnieńniem ab supracoŭnictvie pamiž Nacyjanalnym schodam i Usiekitajskim schodam narodnych pradstaŭnikoŭ KNR stvorany kamitet vysokaha ŭzroŭniu pa supracoŭnictvie pamiž zakanadaŭčymi orhanami dźviuch krain.
«Prahrama šyrokaja i nasyčanaja — sustrečy z kiraŭnictvam Usiekitajskaha schodu narodnych pradstaŭnikoŭ, Usiekitajskaj fiederacyi žančyn, naviedvańnie abjektaŭ sacyjalnaj infrastruktury i jašče šmat usiaho važnaha», — piša telehram-kanał Savieta Respubliki.
Ciapier čytajuć
Ihar Tur z žonkaj pasialiŭsia ŭ łukašenkaŭskim ekśpierymientalnym pasiołku. Kab mietr jamu abyšoŭsia tańniej, usie kamunikacyi apłacili ź biudžetu5
Kamientary