Kačanava padzialiłasia pieradavymi mietodykami zmahańnia ź internetam
Kiraŭnica Savieta Respubliki Natalla Kačanava na sustrečy z deputatami i «sienatarami» padzialiłasia dumkami, jak možna pieramahčy internet. Asabista jana nibyta navat maje ŭžo realnyja pośpiechi.
«Nijaki internet nie pieramoža, kali my z vami budziem vielmi aktyŭna pracavać ź ludźmi», — adznačyła čynoŭnica.
Kačanava ličyć mifam toje, što moładzi cikavyja tolki telefony.
«Kažuć, što moładź tolki ŭ telefonach, im ničoha nie cikava, jany spažyŭcy. Mnie zdajecca, heta mif. Nam treba sprabavać uklučacca i pracavać z usimi katehoryjami našaha nasielnictva. Vočy ŭ vočy, kali my raskazvajem, kali my havorym praŭdu, danosim da ich infarmacyju, jany ŭsio vydatna razumiejuć», — vykazała mierkavańnie staršynia Savieta Respubliki.
Kačanava raskazała, jak nibyta pierakanała hrupu padletkaŭ z 13-j himnazii ŭsiaho za try hadziny.
«Začapili mianie chłopcy i dziaŭčaty. Ja zaprasiła piać čałaviek da siabie ŭ kabiniet. My try hadziny pili harbatu — i ja ich pierakanała. Jany pačali zadavać mnie vielmi pravilnyja pytańni. Jany cikaviacca, ich chvaluje toje, što adbyvajecca. 11-y kłas, alimpijadniki — vielmi razumnyja. Jon zadaŭ mnie takoje pytańnie na sustrečy, što ja zrazumieła — mnie treba pahavaryć ź imi asobna», — padzialiłasia historyjaj Kačanava.
Na dumku čynoŭnicy, «mahutnaja» praca ź ludźmi dapamoža pieramahčy internet.
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, treba dapamoha5
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, treba dapamoha
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5050
Kamientary